UNRWA: 98 KAMIONË ME NDIHMA TË GRABITUR NË GAZA.

Gjenevë, Konfederata e Zvicrës | Një zyrtar i lartë nga agjencia e OKB-së UNRWA tha se 98 nga 109 kamionë me ndihma humanitare u grabitën dhunshëm dje në Gaza, pasi kaluan në Rripin e Gazës, ku edhe ngarkesa humbi.

Kjo është raportuar nga kanali televiziv publik izraelit Kan, duke cituar agjencinë e lajmeve Rojtërs (Reuters).

“Nuk ka alternativë ndaj Agjencisë Palestineze të Kombeve të Bashkuara për Refugjatët (UNRWA) në territoret e pushtuara palestineze”, tha Komisioneri i Përgjithshëm Philippe Lazzarini, pavarësisht vendimit të Izraelit për ta ndaluar atë.

“Nuk ka plan B brenda familjes së Kombeve të Bashkuara, sepse nuk ka asnjë agjenci tjetër që mund të ofrojë të njëjtat aktivitete”, siguroi z. Lazzarini gjatë një konference për shtyp në Gjenevë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit