___.png)
Romë, Itali | Një prift italian i antimafias, i cili ka luftuar prej vitesh kundër krimit dhe trafikut të drogës në Romë, rap reh e një sulmi të dhunshëm mafioz në kryeqytetin italian, Romë.
At Antonio Koluçia (Coluccia), me moshë 49 vjeç, i cili jeton nën mbrojtje gjatë gjithë ditës për shkak të kërcënimeve të shumta nga organizatat kriminale, thuhet se u sulmua të dielën mbrëma me dërrasa, shishe dhe shkopinj në lagjen Kuartikolo (Quarticciolo), të kryeqytetit, ku ai drejtonte një marshim kundër krimit.
“Koha juaj po mbaron - ne do t'ju vrasim”, thuhet të ketë bërtitur dikush nga një dritare ndërsa sulmi ndodhi në rrugën më poshtë.
Prifti, i shënjestruar nga një grup mafioz romak për çiltërsinë e tij dhe për konvertimin e shtëpisë së konfiskuar të një bosi mafioz në një shtëpi për të varfërit dhe të varurit nga droga, u largua nga oficerët e sigurt nga detajet e tij të sigurisë.
“Unë do të kthehem. Unë jam i përkushtuar t'i shërbej qytetit”, tha At Koluçia (Coluccia) për entin mediatik Roma Sot (Roma Today), të martën pasi lajmi për sulmin u bë publik.
“Unë do të përpiqem gjithmonë për drejtësi për qytetarët e ndershëm që banojnë në këtë lagje. Të dielën kisha ndaluar të flisja me disa të rinj dhe më pas ndodhi ajo që ndodhi. Situata këtu është e rëndë”, tha ai.
Ai shtoi: “Është detyra ime të rris ndërgjegjësimin në zonat e rrënuara nga droga, neglizhenca dhe kalbja”.
Znj. Luisa Rexhimenti (Regimenti), një këshilltare sigurie për rajonin e Lacios (Lazio), tha: “Ishte një sulm i dhunshëm mafioz. Jam i sigurt se Don Koluçia (Coluccia) nuk do të frikësohet, por përkundrazi do të dyfishojë përpjekjet e tij për të rivendosur dinjitetin dhe shpresën për shumë qytetarë të nderuar që jetojnë në lagje”.
Kjo nuk është hera e parë që At Koluçia (Coluccia) përballet me agresion apo kërcënime nga grupe kriminale.
Paralajmërimet e dhunshme nisën në vitin 2014, kur shtëpia dhe makina e tij u vandalizuan.
Në muajin qershor të vitit 2015, dy persona hapën zjarr ndaj tij, duke mos e kapur, por duke plagosur lehtë një kalimtar.
Në muajin gusht të vitit 2023, një burrë u përpoq ta përplaste me një skuter në Tor Bela Monaka (Tor Bella Monaca), një lagje e varfër në periferi të Romës.
Sulmuesi më pas u arrestua për tentativë vrasje.
Dimrin e kaluar, në të njëjtin lagje, kazanët e mbeturinave u dogjën brenda oborreve ku pritej të ishte i pranishë At Koluçia (Coluccia).
Dhjetra priftërinj në të gjithë Italinë kanë qenë viktima të sulmeve dhe frikësimeve nga mafia.
At Mauricio Patriçelo (Maurizio Patriciello) ka jetuar nën mbrojtjen e policisë që kur një bombë, e shoqëruar me mesazhin “largohuni nga rruga jonë”, shpërtheu shkurtin e kaluar nga porta e kishës së tij në Kaviano (Caivano), një qytetezë në periferi të Napolit.
Kërcënimi ishte përgjigja e organizatës Kamorra (Camorra) ndaj betejës së At Patriçielos kundër hedhjes së paligjshme të mbetjeve toksike nga organizata mafioze nëpër tokat bujqësore në rajonin e Kampanjës (Campania) në Italinë jugore.
At Luixhi Kioti (Luigi Ciotti), një tjetër klerik antimafia, ka jetuar nën shoqërimin e policisë për më shumë se një dekadë.
Prifti themeloi organizatën Libera, e cila identifikon dhe merr pasuritë e konfiskuara nga mafia dhe i vë në përdorim humanitar.
Siç i tha dikur FBI-së mafiozi siçilian Marino Mannoia, anëtarët e mafias e konsiderojnë veten të pandëshkuar - madje edhe para Zotit - por ata i frikësohen një kishe që ndërhyn në biznesin e tyre ose vë në dukje papajtueshmërinë midis krimit dhe ungjillit.
Në vitin 1993, At Pino Puliezi (Puglisi) dënoi mafien në Palermo. Ai u vra më 15 shtator 1993, në ditëlindjen e tij të 56-të. Ai u lumturua në vitin 2013.
Në mars 1994, At Xhuzepe (Giuseppe) Diana u vra nga Kamorra (Camorra) në Kazal di Prinçipe (Casal di Principe), afër Napolit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments