___.png)
Romë, Itali | Kasandra e re, e bija e Priamit, e cila, e kapur nga deliri, imiton para syve të tronditur të nënës së saj Hekubës dhe Talthibiusit dasmën e saj të afërt me Agamemnonin, mbretin e Mikenës, i cili, do ta rrëmbejë për ta përdhunuar dhe për ta bërë konkubinën e tij.
Është një skenë e rafinuar dhe plot patos që zbukuron një pasqyrë etruske të shekullit IV-III nga nekropoli i Vulçit.
E botuar në vitin 1897 në koleksionin Etruskische Spiegel midis gjetjeve të koleksionit përrallor të artit antik të familjes Torlonia, pasqyra është një nga mbi shtatë mijë objektet e sekuestruara në shtator të vitit 2022 nga Guardia di Finanza nga një gardh në Ostia dhe i është besuar për ruajtje të përkohshme muzeut të arkeleroferologjisë.
Zbulimi, i dyti brenda pak muajsh, u njoftua nga etruskologu Valentino Nizzo, profesor në Universitetin Oriental të Napolit, ish-drejtor i Muzeut Etrusk të Villa Giulia në Romë, i cili, tashmë në muajin dhjetor të vitit 2024 kishte njohur midis të njëjtave mijëra pjesë një pasqyrë të parë, gjithashtu nga Vulçi.
Edhe ky është një objekt me vlerë të madhe, nënvizon studiuesi, qoftë edhe për rrallësinë e skenës së gdhendur në bronz dhe të marrë nga teatri grek, siç ishte zakon në elitën e botës etruske.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentários