___.png)
Uashington, Amerikë | Personi i armatosur në klubin e golfit të z. Danlld Tramp (Donald Trump) është identifikuar si Rain Ueslli Ruth (Ryan Wesley Routh), me moshë 58 vjeç, nga Havai (Hawaii), me profesion agronom.
Këtë e kanë raportuar mediat amerikane.
Ai ndoqi Universitetin Shtetëror Bujqësor dhe Teknik të Karolinës së Veriut dhe u zhvendos në Hawaii në vitin 2018.
Në rrjetet e tij sociale ai ka postuar disa herë për luftën në Ukrainë, duke tentuar gjithashtu të rekrutojë ushtarë për kauzën e Kievit.
Një precedent i gjatë kriminal - nga posedimi i drogës tek ngarje e automjetit pa patentë - dhe postime pro-ukrainase dhe kritikë të kundër z. Danlld Tramp (Donald Trump).
Ai, ishte shumë aktiv në rrjetet sociale.
Tentativa e dytë për vrasjen e z. Danlld Tramp (Donald Trump) në dy muaj.
“Jam mirë, nuk do të dorëzohem kurrë”, siguroi shkurt ish-presidenti.
Alarmi ra rreth orës 13:30. Z. Tramp ishte duke luajtur golf në klubin e tij në Uest Pallm Biç (West Palm Beach): ai ishte midis vrimës së pestë dhe të gjashtë, kur një agjent i Shërbimit Sekret përpara tij vuri re tytën e një pushke që dilte nga gardhi dhe ndërhyri duke hapur zjarr.
Kolegët e tij, ndërkohë, siguruan z. Tramp: ata u hodhën mbi të dhe e mbuluan, të mbrojtur edhe nga snajperët me trekëmbësha.
Ish-presidenti më pas u zhvendos me një karrocë golfi, përpara se të kthehej në Mar-a-Lago me një eskortë të përmirësuar.
Një dëshmitar aty pranë e pa të dyshuarin duke vrapuar nga shkurret dhe ishte në gjendje të fotografonte makinën me të cilën ai kishte ikur, një Nissan të zi dhe targat.
Pas dorëzimit të pamjeve në polici, efektivët arritën ta identifikonin dhe ta ndalonin: kur e ndaluan ai ishte i paarmatosur dhe ishte i qetë, pa shfaqur emocione të mëdha.
Dëshmitari e identifikoi atë dhe burri rreth të 50-tave tani ndodhet në paraburgim nga policia.
“Ai nuk bëri asnjë deklaratë”, tha Sherifi Rik Bredsho (Ric Bradshaw).
Në shkurre, policia gjeti një çantë shpine, një kamerë GoPro dhe një pushkë të stilit Ak-47 me një pamje, një gjysmë automatike që e vendosi z. Trump afër rrezikut, pavarësisht se ishte në të vërtetë midis 270 dhe 400 metrave larg.
Hetimet janë në fazën fillestare, ndonëse FBI pretendon se po heton çfarë duket të jetë tentativa për vrasjen e ish-presidentit.
Motivi i të dyshuarit nuk është ende i qartë.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentarios