___.png)
Kaliforni, Amerikë | “Ai kishte një pistoletë, një pushkë dhe një karikator. Ne ndoshta shmangëm vrasjen e tretë të Danlld Trampit (Donald Trump)”, tha sherifi i Qarkut Rivërsaid (Riverside), Çad Bianko (Chad Bianco).
Një burrë i armatosur me një pushkë dhe një pistoletë të mbushur u arrestua nga zëvendësit e sherifit të vendosur në tubimin e Danlld Trampit (Donald Trump), në Coachella, Kaliforni, dje.
Vem Millër (Miller), me moshë 49 vjeç, nga Las Vegas, u ndalua teksa mbërriti me një fuoristradë të zezë pranë tubimit dhe u arrestua për mbajtje pa leje të një arme zjarri dhe një karikator me kapacitet të lartë.
“Ky incident nuk pati asnjë ndikim në sigurinë e ish-presidentit Tramp apo pjesëmarrësve të ngjarjes”, tha sherifi pa dhënë informacione të mëtejshme.
Z. Millër (Miller) u lirua me kusht dhe do të dalë në gjykatë më 2/1.
I shtyrë nga pyetjet e gazetarëve për orientimin e njeriut të ndalur në tubim, sherifi Çad Bianko (Chad Bianco) tha se “grupi ku ai bënte pjesë është ekstrem i djathtë. Njerëz që nuk besojnë në qeveri, njerëz në margjina. Por nuk është kjo çështje, ai është i çmendur, pavarësisht se cilës parti i përket - shtoi sherifi - duke saktësuar se nuk e di motivin për momentin”.
Personi i arrestuar në tubimin e Trampit pozoi si gazetar.
“Personi që u arrestua u prezantua si gazetar, targa e automjetit të tij ishte false dhe mbante disa pasaporta”.
Policia e qarkut Rivërsaid (Riverside) në Kaliforni e tha këtë në lidhje me personin e armatosur të ndaluar brenda perimetrit të tubimit të Danlld Trampit (Donald Trump), në Coachella. Ai u arrestua para se manjati të mbërrinte në ngjarje.
Ai ishte anëtar i “Qytetarëve Sovranë”.
Personi i arrestuar brenda perimetrit të tubimit të kandidatit presidencial Danlld Tramp (Donald Trump), në Coachella kishte një kartë anëtarësimi për një grup të quajtur “Qytetarë Sovranë”.
Kështu tha policia e qarkut Rivërsaid (Riverside), duke saktësuar se FBI dhe Shërbimi Sekret po bashkëpunojnë në hetim.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments