___.png)
Tiranë, Shqipëri | Strukturat e Posaçme të Policisë së Shtetit arrestuan;
1- Z. Ilir Zotaj (i njohur edhe si Xio "Zio" Bushi), me moshë 44 vjeç, banues në Tiranë.
Arrestimi i tij u krye në kuadër të operacionit policor të koduar “Operacionalja 28”.
Ai akuzohet se ishte pjesë e një organizate kriminale.
Njoftim | Një tjetër shtetas i kërkuar ndërkombëtarisht u vu në pranga gjatë 24 orëve të fundit, nga Drejtoria e Forcës së Posaçme Operacionale.
Finalizohet operacioni policor i koduar “Operacionalja 28”.
Lokalizohet, kapet dhe arrestohet provizorisht, me qëllim ekstradimin në Itali, një 44-vjeçar i shpallur në kërkim ndërkombëtar.
Në vijim të operacioneve të njëpasnjëshme për lokalizimin, kapjen dhe arrestimin e shtetasve të shpallur në kërkim ndërkombëtar, shërbimet e Drejtorisë së Forcës së Posaçme Operacionale kanë organizuar dhe finalizuar një tjetër operacion, gjatë 24 orëve të fundit.
Në kuadër të operacionit “Operacionalja 28”, u lokalizua në Tiranë dhe u arrestua provizorisht shtetasi i shpallur në kërkim ndërkombëtar Ilir Zotaj alias Zio Bushi, 44 vjeç, banues në Tiranë.
Gjykata e Apelit e Peruxhias, Itali, e ka dënuar këtë shtetas me 5 vjet, 6 muaj e 17 ditë burgim, për veprat penale “Organizata kriminale” dhe “Trafikimi i narkotikëve”, parashikuar nga Kodi Penal i Italisë.
Ky shtetas dyshohet se ka qenë pjesë e një organizate kriminale që përbëhej nga shtetas shqiptarë, e cila ka organizuar dhe financuar trafikimin e lëndëve narkotike, kryesisht nga Belgjika në Itali.
Gjatë periudhës dhjetor 2008 – mars 2010, janë sekuestruar rreth 10.4 kg lëndë narkotike kokainë e trafikuar nga kjo organizatë, në disa qytete të Italisë, në Belgjikë dhe në Shqipëri.
Interpol Tirana po bashkëpunon me Interpol Romën, për të finalizuar procedurën e ekstradimit të këtij shtetasi, në Itali, thuhet në njoftimin zyrtar të Policisë së Shtetit.
I arratisur për më shumë se një dekadë, ai mundi të lëvizte, në tre vjet aktivitet me bandën e tij të trafikantëve,...
I arratisur për më shumë se një dekadë, ai mundi të shpërngulte, në tre vjet aktivitet me bandën e tij të trafikantëve, tridhjetë kilogramë kokainë të destinuar për qendrat e shitjes së drogës në gjysmën e Italisë.
Ai u arrestua ditët e fundit në Tiranë nga policia shqiptare me urdhër të Prokurorisë së Përgjithshme të Peruxhias (Perugia).
Ai është një 44-vjeçar i akuzuar për bashkim kriminal me qëllim trafikun e drogës.
Personi, i konsideruar si kreu i një organizate kriminale të përbërë nga njëmbëdhjetë bashkatdhetarë të tjerë dhe i arratisur prej kohësh, u vu në gjurmë falë një aktiviteti kompleks hetimor të kryer nga zyra e Sdi-së e Prokurorit të Përgjithshëm të Perugias, në bashkëpunim me Interpolin e Romës.
Organizata kriminale në të cilën ai dyshohet se ka qenë anëtar, veçanërisht aktive në periudhën 2008-2010, dyshohet se ka krijuar kontakte me bashkëpunëtorë me banim në Belgjikë, Britani të Madhe dhe Shqipëri, duke arritur të kontrabandojë mbi 30 kilogramë kokainë në Itali.
Droga, e blerë jashtë vendit, më pas shitej në Peruxhia (Perugia), Romë, Melara, Alba Adriatika (Adriatica), Parma, Ankona (Ancona), Breshia (Brescia), Teramo, Ebrusko (Erbusco) dhe Kieti (Chieti).
Shumat e parave të marra nga aktivitetet e paligjshme janë transferuar menjëherë në Shqipëri.
Kërkimi i të arratisurit, i nisur nga Prokuroria e Përgjithshme e Peruxhias (Perugia), gati dy vjet më parë, kur u bë i formës së prerë, bëri të mundur gjurmimin e lëvizjeve të shtetasit shqiptar, i cili, ishte ende në kërkim, i cili ishte zhvendosur fillimisht në Hungari dhe më pas në qytetet e Hagenit, në Gjermani dhe më pas në Tiranë, në Shqipëri, ku përfundoi në burg.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Kommentit