___.png)
Tavullia, Itali | Strukturat italiane të hetimit penal arrestuan:
1- Z. Artur Cerria.
Ai akuzohet për vrasjen e z. Dritan Idrizi.
Në lidhje me këtë ngjarje kriminale Agjencia Telegrafike Vox (Voks) ka botuar artikullin me përmbajtjen e mëposhtëme. 👇
LARJE HESAPESH MES SHQIPTARËSH NË ITALI: DRITAN IDRIZI U VRA ME THIKË.
Tavullia, Itali | Z. Dritan Idrizi është vrarë me armë të ftohtë (thikë) mbrëmjen e djeshme në Tavullia, Itali.
Z. Idrizi, me moshë 38 vjeç është goditur me thikë në zemër gjatë një sherri.
Ai u dërgua në spital, por pavarësisht ndihmës humbi jetën.
Ai rezulton me precedentë penale pasi ishte dënuar më parë për drogë.
Dyshohet se z. Idrizi kishte shkuar në Tavullia për të larë hesapet me një familje shqiptarësh.
Ai ishte i armatosur me shkopinj bashkë me tre veta të tjerë.
Njëri nga grupi duket se ka goditur në kokë një shqiptare, pjesë e familjes me të cilën Idrizi donte të lante hesapet.
Më pas një person ka marrë thikën dhe ka goditur tre herë z. Idrizi.
Personat e tjerë u plagosën dhe u dërguan në spitalin e Pesaros.
Deri tani nuk ka asnjë person të arrestuar, por policia po heton për shkaqet e ngjarjes së rëndë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentários