TURQI | AEROPLANI KU GJENDEJ SHEFI I SHTABIT TË USHTRISË SË LIBISË (ME BAZË NË TRIPOLI) U RRËZUA; 5 TË VDEKUR; ISHTE NISUR NGA ANKARAJA DHE PO SHKONTE DREJT TRIPOLIT.

Ankara, Turqi | “Një avion privat që transportonte një delegacion ushtarak libian, përfshirë shefin e shtabit të ushtrisë me bazë në Tripoli, Mohammed Ali Ahmed Al-Haddad, humbi kontaktin me radio menjëherë pas ngritjes nga kryeqyteti turk, Ankara, dhe më pas u rrëzua në një kodër disa dhjetëra kilometra larg.

Katër subjekte të tjerë udhëtonin në bordin e avionit që po udhëtonte për në Tripoli të Libisë”.

Tragjedia u njoftua nga Ministri i Brendshëm turk Ali Jerlikaia (Yerlikaya), i cili, më parë kishte paralajmëruar për humbjen e kontaktit me radarin, saktësisht 42 minuta pas ngritjes, në orën 8:10 të mbrëmjes sipas orës vendore.

Kryeministri libian Abdul Hamid Dbeibah më vonë konfirmoi se shefi i shtabit të gjeneralit vdiq në një aksident ajror ndërsa kthehej nga Ankaraja.

Ende nuk është dhënë asnjë shpjegim zyrtar se çfarë ndodhi, por Zyra e Prokurorit të Përgjithshëm të Ankarasë ka hapur një hetim.

Sipas entit mediatik “CNN Turk”, duket se piloti dërgoi sinjalin e emergjencës dhe donte të kthehej në aeroport për shkak të një defekti elektrik.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit