TREVISO | PËRLESHJE JASHTË NJË KLUBI NATE: QYTETARI RUMUN LORENCO KRISTEA (LORENZO CRISTEA) ME MOSHË 20 VJEÇ MBETI I VRARË ME THIKË.

Treviso, Itali | Strukturat vendore të Policisë konstatuan se:

1- Z. Lorenco Kristea (Lorenzo Cristea), me moshë 20 vjeç, mbeti i vrarë pranë një klubi nate.

Z. Lorenco Kristea (Lorenzo Cristea).

Nata midis të shtunës, 3 maj dhe të dielës, 4 maj, ishte tragjike në Kastelfranko (Castelfranco) Veneto (Treviso).

Siç raportohet nga enti mediatik “TrevisoToday”, gjithçka ndodhi në rrugën Panjana (Via Pagnana), pak hapa larg një klubi nate.

Viktima është një njëzetvjeçar me origjinë rumune që jeton në provincën e Padovës.

I goditur disa herë me thikë, ai vdiq pasi u shtrua në spital. Një djalë tjetër, një 22-vjeçar nga Treviso, është në gjendje shumë të rëndë.

Ai iu nënshtrua një ndërhyrjeje kirurgjikale delikate dhe tani ndodhet në kujdes intensiv. Pati edhe dy lëndime të lehta.

Dy të rinj të tjerë, gjithashtu në të njëzetat, thuhet se janë ndaluar tashmë nga karabinierët.

Konturet e ngjarjes duhen rindërtuar ende. Duket se brenda klubit të natës ka pasur një sherr mes dy grupeve.

Orë më vonë, në rrugë, mosmarrëveshja degjeneroi në një përplasje të plotë. Ishte stafi i klubit të natës që kërkoi ndihmë.

Kur policia mbërriti në vendngjarje, nuk kishte mbetur askush: djemtë me sa duket kishin mbërritur vetë në spital.

Z. Kristea (Cristea) vdiq pak më vonë. Ky është vetëm një rindërtim përmbledhës dhe hetimi është ende në fazat e tij fillestare.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit