“TIRANA INTERNATIONAL FILM FESTIVAL” SHPALLI TË ENJTEN PËRZGJEDHJEN ZYRTARE PËR EDICIONIN E 22-të QË DO TË MBAHET SIVJET NGA DATA 22 GJER NË 28 SHTATOR 2024.

Tiranë, Shqipëri | “Tirana International Film Festival” shpalli të enjten përzgjedhjen zyrtare për edicionin e 22-të që do të mbahet sivjet nga data 22 gjer në 28 shtator 2024.

Pas një pune të gjatë që prej muajit tetorit të vitit 2023, duke përzgjedhur mes 3700 aplikimeve nga 110 vende të botës, “TIFF” shprehet se më në fund ka listën zyrtare.

“Me 211 filma, nga të cilët 25 të metrazhit të gjatë dhe 186 filma të shkurtër”, thuhet në faqen e “TIFF”-it.

Të gjithë filmat e përzgjedhur janë prodhuar në periudhën kohore mes viteve 2023 dhe 2024.

Filmat do të jenë premiera kombëtare, duke përfshirë shumë premiera botërore, ndërkombëtare, europiane dhe rajonale.

Filmat gjatë “Tirana International Film Festival” do të shfaqen në kinema Millennium, qendra e artit “Agimi”, si dhe Liceu Artistik në Tiranë.

Një vit më parë lista zyrtare e “TIFF” përmbante 192 prodhime kinematografike, ku 34 ishin filma të metrazhit të gjatë.

“Tirana International Film Festival” nisi në vitin 2003 për të mbërritur këtë vit në edicionin e 22-të me filma premierë, por dhe pjesëmarrje të artistëve të ndryshëm, që priten të jenë në Tiranë.

Drejtor i “TIFF” Agron Domi ka shprehur se festivali është rreshtuar që nga 2017 midis 94 festivaleve më të rëndësishëm në botë.

““TIFF” e ka konfirmuar vazhdimisht në vitet e veta të ekzistencës, peshën e vet kualitative në industrinë botërore kinematografike, duke u rreshtuar që nga viti 2017 midis 94 festivaleve më të rëndësishme në botë dhe 29 festivaleve më të mira në Europë, të akredituar nga AMPAS - Academy of Motion Picture Arts and Sciences dhe European Film Academy - si festival kualifikues, ku fituesi i  Best Short Film në TIFF nominohet automatikisht për Askër Ëuards (Oscar Awards) dhe për Best European Short Film”, tha drejtori Domi në një shënim në rrjetet sociale virtuale.

“Tirana International Film Festival” (TIFF) këtë muaj shtator vjen në edicionin e 22-të ku në fund do të ndahen dhe çmimet, por tashmë mund të quhet si një nga eventet kulturore më të rëndësishme të rajonit.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit