THEMELUESI I TELEGRAM-it PAVEL DUROV U ARRESTUA NË FRANCË SAPO MBËRRITI NGA AZERBAJXHANI ME AVIONIN E TIJ PRIVAT: ISHTE SHPALLUR NË KËRKIM POLICOR NGA PROKURORIA FRANCEZE.

Paris, Francë | Z. Pavel Durov, themeluesi dhe CEO i kompanisë së mesazheve të koduara Telegram, u arrestua mbrëmë rreth orës 20:00, sapo zbriti nga avioni i tij privat në pistën e aeroportit Le Bourget, të Parisit.

Kështu ka thënë televizioni francez Tf1.

Z. Durov, 39 vjeç, një shtetas francezo-rus, shoqërohej nga truproja e tij dhe një grua.

Arrestimi u krye nga xhandarmët e GTA (Xhandarmërisë së Transportit Ajror).

I përfshirë në dosjen e personave në kërkim, z. Pavel Durov vinte nga Azerbajxhani.

Mbi të është varur një urdhër kërkimi francez, i lëshuar në bazë të një hetimi paraprak.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit