___.png)
Pekin, Kinë | Nxjerrja deri në tre litra ujë në ditë nga ajri i shkretëtirës, falë paneleve të gjerë një metër që përdorin vetëm energji diellore dhe pa ndërhyrje të jashtme: kjo është teknologjia e re e zhvilluar nga një grup kërkimor kinez dhe saudit i udhëhequr nga Yu Han, nga Universiteti i Shkencës dhe Teknologjisë Mbreti Abdullah në Arabinë Saudite dhe botuar në Nature Communications.
Mungesa e ujit është një nga problemet më të mëdha të njerëzimit, aq sa thatësira vlerësohet të prekë mbi dy miliardë njerëz çdo vit, një fenomen veçanërisht serioz në zonat e thella dhe të thata, ose ishujt dhe zonat bregdetare pa lumenj apo burime uji të pijshëm.
Por zgjidhja mund të jetë në ajër, sepse rreth 13 trilion tonë ujë të pijshëm gjenden në atmosferë, rreth 6 herë më shumë se sa përmbahen në lumenjtë e botës.
Për këtë arsye, shumë kërkime janë duke punuar në zhvillimin e teknologjive ekonomikisht të pranueshme për nxjerrjen e avullit të ujit nga ajri, një strategji që mund të shpëtojë shumë jetë, si dhe të ndihmojë në reduktimin pjesërisht të ngrohjes globale.
Një hap i rëndësishëm përpara vjen nga pajisja e re e krijuar nga bashkëpunimi i studiuesve kinezë dhe sauditë të aftë për të përdorur energjinë diellore për të nxjerrë në mënyrë pasive, pa ndërhyrje njerëzore apo pajisje të tjera, deri në tre litra ujë për çdo metër katror të zënë në rajonet e shkretëtirës.
“Ne synojmë të zbatojmë këtë teknologji për të prodhuar ujë nga ajri për të kompensuar nevojat për ujë për bujqësi të qëndrueshme të nevojshme për prodhimin e ushqimit të sigurt në Lindjen e Mesme”, tha z. Han.
Ideja është të kondensohet, nëpërmjet shkëmbimeve të nxehtësisë, avulli në ajër në një mënyrë jo të ndryshme nga ajo që ndodh në një kondicioner.
Një teknologji e thjeshtë dhe falë nanomaterialeve të reja, studiuesit tani kanë mundur të përmirësojnë shumë performancën e saj, aq sa planifikojnë një përdorim të gjerë në shumë zona të shkretëtirës për të furnizuar me ujë popullsinë dhe fermerët.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments