___.png)
Lezhë, Shqipëri | Në ambientet e Prefekturës së Lezhës, zv/ministri i Brendshëm, z. Andi Mahila, i shoqëruar nga këshilltari i Ministrit të Brendshëm, z. Flamur Mamaj, bëri prezantimin zyrtar të Prefektit të ri të Qarkut Lezhë, z. Taulant Malshi, përpara drejtuesve të institucioneve vendore dhe atyre territoriale.
Në fjalën e tij, z. Mahila shprehu urimet për detyrën e re të prefektit, duke vlerësuar përkushtimin dhe profesionalizmin që pritet të tregojë në këtë rol të rëndësishëm.
Ai theksoi rëndësinë e bashkëpunimit të institucioneve për të garantuar mbrojtjen e interesave të qytetarëve dhe zbatimin e ligjit.
Z. Malshi, në fjalën e tij pas marrjes së detyrës, falënderoi për besimin e dhënë dhe theksoi se kjo është një përgjegjësi e madhe që kërkon përkushtim të plotë.
Ai premtoi të jetë një urë bashkëpunimi mes institucioneve dhe qytetarëve, duke punuar për përmirësimin e shërbimeve dhe zhvillimin e qarkut.
Ky emërim sjell një frymë të re në drejtimin e Prefekturës së Lezhës, me synimin për të përmirësuar më tej administrimin dhe zbatimin e detyrave publike në këtë rajon.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments