SUBJEKTI POLITIK PUSHTET-KËRKUES PARTIA DEMOKRATIKE E SHQIPËRISË DENONCOI FENOMENIN E NJOHUR RËNDOM SI “TRENI BULLGAR” NË KZAZ-në NR. 40 TË TIRANË TE SHKOLLA “7 MARSI”.

Tiranë, Shqipëri | Subjekti politik pushtet-kërkues Partia Demokratike e Shqipërisë (PDSh) denoncoi një rast - sipas saj - të manipulimit me vota në KZAZ nr. 40 në kryeqytet, përmes fenomenit të njohur rëndom si “Treni Bullgar”.

Videoja u postua në rrjetin social virtual Facebook nga kryetarja e degës numër 9, të PDSh-së Eda Grimci, ku shihet se fletët e votimit janë të palosura në të njëjtën formë e simetri dhe janë të bashkuara.

PDSh-ja pretendojnë se kjo provon se fletët janë të falsifikuara fakt që është konstatuar nga grupi i numërimit 40 në shkollën “7 Marsi”.

“Treni bullgar”, si fenomen i manipulimit të zgjedhjeve është përdorur për herë të parë në zgjedhjet e vitit 2007 në Bullgari.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit