top of page
E BARDHË SHIRIT.png

SKANDAL: SHFAQEN HIJET ALBANOFOBIKE | NJË PUNONJËS I SIGURIMIT NË NJË AEROPORT E NDALOI ARTISTEN ME FAMË BOTËRORE BEBE REXHA TË UDHËTONTE NË AEROPLAN VETËM SEPSE I FOLI SHQIP.

Writer's picture: Agjencia Telegrafike VoxAgjencia Telegrafike Vox

Tiranë, Shqipëri | Këngëtarja shqiptare me famë botërore Bebe Rexha është shfaqur duke qarë në disa pamje të publikuara në Instagram.

 

Me anë të një postimi në Insta Story artistja Bebe Rexha tha se i ka folur shqip një punonjësi të sigurimit në një aeroport, duke menduar se edhe ai është shqiptar.

 

Punonjësi në fjalë i është kthyer me zemërim artistes, e cila thotë se tani po e kërcenojnë se nuk do e lejojnë të fluturojë.

 

Lufthansa jam kërcënuar sepse mendoja se agjenti i sigurimit ishte shqiptar. Unë fola me të në shqip duke e pyetur se ku ta marr biletën time dhe tani ai më ndalon fluturimin”, ka shkruar artistja Bebe Rexha në video.

 

Artistja Bebe Rexha ka qenë në Riad të Arabisë Saudite, pasi ka qenë e ftuar për të performuar në festivalin “MDL Beast”, dhe ishte në rrugën e saj duke u kthyer për në shtëpi, në Los Angeles.

 

Ajo bëri edhe një reagim tjetër me shkrim duke shprehur indinjatën e saj ndaj kompanisë së fluturimit.

 

Unë besoj se ky është një akt urrejtjeje ndaj meje sepse jam shqiptare. Ai nuk më lejoi të marr emrin e tij. Vazhdonte të më abuzonte mendërisht për të më bërë të ndihem se ishte më i fuqishëm se sa ishte në të vërtetë. Asnjë nga gratë në @Lufthansa nuk ndërhyri apo nuk tha diçka. Ai nuk do të më jepte emrin e tij, por sapo zbulova se punon për ATSG, një kompani shërbimesh për kontrollin e dokumenteve e punësuar nga Lufthansa”, denoncoi artistja Bebe Rexha në InstaStory.


 

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit

Comments

Rated 0 out of 5 stars.
No ratings yet

Add a rating
bottom of page