___.png)
Romë, Itali | Janë tejkaluar 500 mijë nënshkrimet për referendumet popullore të propozuara nga CGIL për punë të qëndrueshme, dinjitoze, të mbrojtur dhe të sigurt.
Sindikata e bëri të ditur këtë në një shënim ku nënvizonte se nënshkrimet e arritura për secilën nga katër pyetjet ishin 582244.
“Objektivi i gjysmë milioni nënshkrimeve, i nevojshëm për të menduar shfuqizimin e plotë ose të pjesshëm të një ligji ose një akti që ka fuqinë e ligjit”, tha sekretari organizator, Luixhi Xhove (Luigi Giove), është arritur në masë të madhe, pas vetëm një muaji dhe një gjysma pas fillimit të fushatës së referendumit, e cila filloi më 25 prill 2024.
“Në territore dhe në vendet e punës - vijon sekretari organizativ i CGIL - ne po përjetojmë një interes të madh për temat e propozuara nga organizata jonë.
Për më tepër, ka një dëshirë të gjerë për pjesëmarrje.
Edhe pse qëllimi tashmë është arritur, mbledhja e nënshkrimeve do të vazhdojë dhe do të intensifikohet në ditët dhe javët në vijim: qëllimi ynë - thekson z. Xhove (Giove) - është të mbledhim sa më shumë nënshkrime.”
“Puna - nënvizon CGIL - duhet të mbrohet, sepse është e drejtë kushtetuese.
Duhet të jetë e sigurt, sepse duhet jetuar dhe jo të vdiset nga puna.
Duhet të jetë dinjitoze dhe për këtë arsye të paguhet mirë.
Duhet të jetë e qëndrueshme, sepse pasiguria është një humbje lirie, pra, le ta nënshkruajmë atë”, tha ai.
Sindikakat shqiptare, veglat qorre të klasës politike sunduese gjakpirëse i kanë shitur qyshkur interesat e punëmarrësve shqiptarë.
Për turp e paçin!
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentários