Uashington, Amerikë | “Ne kemi vazhduar diskutimet me homologët tanë izraelitë dhe libanezë që nga sulmi i tmerrshëm i djeshëm në veri të Izraelit, i cili vrau disa fëmijë që luanin futboll.
Ky sulm u krye nga Hezbollahu libanez.
Ishte raketa e tyre dhe u nis nga një zonë që ata kontrollojnë. Kjo duhet të dënohet universalisht”, tha zëdhënësja e Këshillit të Sigurimit të Shtëpisë së Bardhë, Edrien Uotsoun (Adrienne Watson), në një deklaratë, duke deklaruar më tej se Shtetet e Bashkuara po punojnë gjithashtu për një zgjidhje diplomatike përgjatë Linjës Blu që do t'i japë fund të gjitha sulmeve një herë e përgjithmonë dhe do lejojë qytetarët në të dy anët e kufirit të kthehen në shtëpi të sigurt.
Për zëdhënësen e Këshillit të Sigurimit të Shtëpisë së Bardhë, Hezbollahu filloi të qëllonte kundër Izraelit më 8 tetor duke pretenduar solidaritet me Hamasin, një grup tjetër terrorist i mbështetur nga Irani.
“Mbështetja jonë për sigurinë e Izraelit është e hekurt dhe e palëkundur kundër të gjitha kërcënimeve të mbështetura nga Irani, përfshirë Hezbollahun”, u tha në deklaratë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments