SHËRBIMI ZJARRFIKËS VENDOSI NËN KONTROLL ZJARRIN E RËNË NË ZONËN NAFTËMBAJTËSE NË QYTETIN E KUÇOVËS.

Kuçovë, Shqipëri | Strukturat vendore të Policisë së Shtetit morën dijeni se:

1- Një zjarr ra në zonën naftëmbajtëse - në qytetin e Kuçovës.

Zjarri ra në kallamishte, në një zonë ka gjenden puse nafte në gjendje pune.

Pas njoftimit të marrë, në ndihmë të zjarrfikësve të Kuçovës, drejt zonës u nisën të gjitha shërbimet zjarrfikëse të Qarkut të Beratit, sepse, në rrezik ishin puset dhe banesat e lagjes.

Zjarri vijoi të përparonte me shpejtësi, i favorizuar nga era dhe temperaturat e larta.

Për shkak të përhapjes në masë të zjarrit, vetëm pas më shumë se një orë punë zjarri u vu në kontroll nga shërbimet zjarrfikëse.

Nuk pati dëme në banesa dhe në puset e naftës.

U dogjën rreth njëzet dynym tokë ku vegjetonin ferra, shkurre dhe kallamishte.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit