Karakas, Venezuelë | Një punonjës i ambasadës së Argjentinës në Karakas, Karlos (Carlos) Barraza, u mor nga shtëpia e tij mbrëmë nga agjentët e inteligjencës venezueliane (SABIN) dhe që atëherë nuk ka pasur asnjë lajm prej tij.
Këtë e bën të ditur portali Infobae, duke cituar shqetësimin në Ministrinë e Jashtme të Argjentinës dhe të Brazilit, të cilat - pas dëbimit të personelit diplomatik - përfaqësojnë interesat diplomatike të Buenos Aires në Venezuelë.
Sipas asaj që është rikonstruktuar nga faqja e informacionit, arsyeja e përdorur nga agjentët për t'iu afruar zyrtarit kombëtar venezuelian ishte hetimi i hapur nga drejtësia pas zhdukjes së rreth 90 mijë dollarëve nga një llogari bankare e selisë diplomatike argjentinase në Karakas.
Paratë u përdorën për shpenzimet e funksionimit të ambasadës, konsullatës dhe rezidencës së ambasadorit, ku - pas marrjes së statusit të refugjatit politik - janë pritur gjashtë kundërshtarë të qeverisë së presidentit çavisto-komunist Nikolas Maduro (Nicolas Maduro) dhe kanë një urdhër arresti në pritje.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commentaires