___.png)
Uashington, Amerikë | Një zbulim nga Shërbimi Gjeologjik i SHBA (USGS) ka nxjerrë në pah potencialin e litiumit në shëllirë të Formacionit Smekouvër (Smackover), një njësi e madhe gjeologjike që përfshin disa rajone të jugut të SHBA-ës.
Studimi, i kryer duke përdorur teknologjinë e inteligjencës artificiale, vlerësoi sasinë e litiumit të tretur në shëllirërat e formacionit, një burim i panjohur më parë që mund të ketë implikime të rëndësishme për prodhimin vendas të litiumit dhe kalimin në një ekonomi të energjisë së pastër.
Formimi Smekouvër (Smackover), i lidhur fillimisht me depozitat e naftës dhe bromit, është zbuluar si një burim i ri potencial i litiumit, një mineral thelbësor për prodhimin e baterive të automjeteve elektrike dhe teknologjive të tjera të ruajtjes së energjisë.
Studiuesit përdorën një metodologji të re që kombinon analizën e mostrës me mësimin e makinerive për të vlerësuar për herë të parë sasinë e litiumit në pjesën jugperëndimore të formacionit në Arkansas.
Rezultatet janë premtuese, pasi sasia e litiumit vlerësohet të jetë e mjaftueshme për të reduktuar potencialisht varësinë e SHBA nga importet e mineralit, të cilat, aktualisht përbëjnë më shumë se 25% të konsumit amerikan.
Ky zbulim është vendimtar, veçanërisht me rritjen e kërkesës globale për litium, e cila, nxitet nga kalimi në burimet e rinovueshme të energjisë dhe elektrifikimi i transportit.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments