SHËN GJIN; LEZHË | U ARRESTUAN ALTIN GASHI; ERMAL TAHIRI; SALIM BOJAISH (BOUYAICHE) || U SHPALL NË KËRKIM POLICOR ARDIAN GASHI: TREGTARË DROGËRASH (3 NGA KOSOVA + 1 NGA FRANCA).

Shën Gjin, Lezhë, Shqipëri | Strukturat vendore të Policisë së Shtetit arrestuan:

1- Z. Altin Gashi, me moshë 21 vjeç, banues në Republikën e Kosovës.

2- Z. Ermal Tahiri, me moshë 28 vjeç, banues në Republikën e Kosovës.

3- Salim Bojaish (Bouyaiche), me moshë 43 vjeç, banues në Republikën e Francës.

Shpallën në kërkim policor:

1- Z. Ardian Gashi, me moshë 30 vjeç, banues në Republikën e Kosovës.

Njoftim | Shëngjin/Finalizohet operacioni policor i koduar “Kamuflimi”, për goditjen e veprimtarisë kriminale të shitjes së lëndëve narkotike, në doza.

Identifikohen 4 shtetas që shitnin doza të lëndëve të ndryshme narkotike, në zonat e frekuentuara nga pushuesit, në Shëngjin.

Kapen në flagrancë dhe vihen në pranga 3 prej tyre, punohet për kapjen e tjetrit.

Sekuestrohen doza kokaine dhe kanabisi, kanabis në trajtë çokollate, MDMA, ekstazi, kërpudha haluçinogjene, 1 automjet dhe 3 celularë që dyshohet se përdoreshin për këtë veprimtari kriminale.

Specialistët e Seksionit për Hetimin e Narkotikëve, si rezultat i hetimeve intensive të kryera në drejtimin e Prokurorisë, për goditjen e veprimtarisë kriminale të shitjes së lëndëve narkotike, organizuan dhe finalizuan në bashkëpunim me Forcën e Posaçme Operacionale, operacionin policor të koduar “Kamuflimi”. Si rezultat i operacionit:

- u arrestuan në flagrancë shtetasit kosovarë A. G., 21 vjeç, E. T., 28 vjeç, të dy banues në Kosovë, dhe shtetasi francez S. B., 43 vjeç, banues në Francë;

-u shpall në kërkim shtetasi kosovar A. G., 30 vjeç, banues në Kosovë.

Nga hetimet dyshohet se këta shtetas, në bashkëpunim me njëri-tjetrin, shitnin doza të lëndëve të ndryshme narkotike në zonat turistike të Shëngjinit.

Gjatë kontrollit fizik, 3 shtetasve të arrestuar iu gjetën doza të lëndëve narkotike.

Nga këqyrja e celularëve të sekuestruar, u gjetën komunikime të këtyre shtetasve për organizimin e kësaj veprimtarie kriminale.

Vijon puna për kapjen e shtetasit të shpallur në kërkim dhe për identifikimin e shtetasve të tjerë që mund të jenë përfshirë në këtë veprimtari kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprën penale "Prodhimi dhe shitja e narkotikëve", kryer në bashkëpunim, thuhet në njoftimin e Policisë së Shtetit.

Pamje që pasqyron materialet e sekuestruara nga strukturat vendore të Policisë së Shtetit në cilësinë e provës materiale me karakter kompromentues penal gjatë operacionit policor të koduar “Kamuflimi”.

Pamje që pasqyron materialet e sekuestruara nga strukturat vendore të Policisë së Shtetit në cilësinë e provës materiale me karakter kompromentues penal gjatë operacionit policor të koduar “Kamuflimi”.

Pamje që pasqyron materialet e sekuestruara nga strukturat vendore të Policisë së Shtetit në cilësinë e provës materiale me karakter kompromentues penal gjatë operacionit policor të koduar “Kamuflimi”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit