SERBI: TENSIONE DHE MARSHIME PROTESTE KUNDËR MINIERAVE TË LITIUMIT | GRUPI I EKSPERTËVE TË SHËNDETËSISË PO STUDION NDIKIMIN E MINIERAVE TË LITIUMIT NË SHËNDETIN E POPULLATËS.

Beograd, Serbi | Ministri serb i Shëndetësisë, Zlatibor Lonçar, ka paralajmëruar sot prezantimin e një ekipi të ekspertëve shëndetësorë, të cilët do të merren me ndikimin e mundshëm të nxjerrjes së litiumit në shëndetin e qytetarëve të vendit.

I ftuar në stacionin radioteleviziv “Rts”, ministri Lonçar deklaroi se në ekip do të jenë përgjegjësi i departamentit të higjienës, që merret me ndotjen e mjedisit, ekspertë epidemiologjie dhe shumë të tjerë me përvojë të madhe.

Ndërkaq, kryetari i Shoqatës që kundërshton projektin e nxjerrjes së mineraleve “Ne damo Jadar”, Zlatko Kokanoviq, ka ftuar qytetarët e Beogradit dhe të gjithë qytetarët e Serbisë që të marrin pjesë në protestën e planifikuar për të shtunën më 10 gusht në kryeqytet.

Z. Kokanoviç i tha agjencisë së lajmeve “Beta” se demonstrata në Beograd nuk ka të bëjë vetëm me hapjen e minierës së litiumit në luginën e lumit Jadar, dhe se qëllimi është të parandalohen kompanitë e huaja që të hapin miniera në të gjithë Serbinë.

Ditët e fundit marshime proteste janë zhvilluar në 28 qytete të Serbisë dhe sipas njoftimeve deri të shtunën do të mbahen edhe në 19 qytete të tjera të vendit.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit