___.png)
Uashington, Amerikë | Udhëtimi i nëntë në Lindjen e Mesme që nga sulmi terrorist i 7 tetorit 2023.
SHBA do të kishte një “plan urë” për të zhbllokuar armëpushimin dhe negociatat e pengjeve me Hamasin.
Sekretari amerikan i Shtetit Entëni Blinken (Antony Blinken) mbërriti sot në Izrael për udhëtimin e tij të nëntë në rajon që nga 7 tetori 2023, ndërsa ndërmjetësit amerikanë, egjiptianë dhe katarianë po përpiqen të konsolidojnë një marrëveshje armëpushimi dhe lirimin e pengjeve pas dy ditësh negociata në Doha.
Sekretari Blinken pritet të takohet me zyrtarët izraelitë dhe kryeministrin Benjamin Netanjahu të hënën, përpara se bisedimet të rifillojnë në Kajro, ndoshta nga e mërkura.
PROPOZIMI URËKALUES I SHBA: SË PARI TË LIRA GRATË DHE USHTARËT.
“Plani urë” i paraqitur nga Shtetet e Bashkuara për plotësimin e boshllëqeve të mbetura në zbatimin e marrëveshjes midis Izraelit dhe Hamasit përmban, sipas thashethemeve, çështje të shumta shumë specifike.
Kjo është bërë e ditur nga burime pranë ndërmjetësve, siç raporton enti mediatik Çenll (Channel) 12.
Në veçanti, një nga pikat themelore ka të bëjë me numrin e pengjeve ende gjallë, të cilët do të duhet të lirohen në fazën e parë gjashtëjavore të marrëveshjes: emrat tashmë janë vendosur, gratë, përfshirë ushtarët, do të lirohen së pari.
Ndër pengjet që Hamasi duhet të kthejë janë izraeliti etiopian Avera Mengistu dhe beduini izraelit Hisham al-Sayed, të burgosur civilë në Gaza për dhjetë vjet.
Si pjesë e marrëveshjes, 47 të burgosur palestinezë, të liruar në marrëveshjen e vitit 2011 në shkëmbim të ushtarit të rrëmbyer izraelit Gilad Shalit, dhe të cilët u arrestuan përsëri, pritet të lirohen nga Izraeli.
Burimet e entit mediatik Çenll (Channel) 12 specifikuan se këto elemente u pajtuan nga Izraeli dhe ndërmjetësit, por jo nga Hamasi.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments