___.png)
SEKRETARI AMERIKAN I SHTETIT MARKO (MARCO) RUBIO U SHFAQ NË TRANSMETUESIN TELEVIZIV FAKS NJUZ (FOX NEWS) ME SHENJËN E KRYQIT NË BALLË.
- Agjencia Telegrafike Vox
- Mar 7
- 1 min read
Uashington, Amerikë | Sekretari amerikan i Shtetit Marko (Marco) Rubio u shfaq në transmetuesin televiziv Faks Njuz (Fox News) me shenjën e kryqit në ballë.
Edhe pse pamja e tij fillimisht dukej e çuditshme, tani ka një shpjegim.
Tradita e krishterë dikton që të mërkurën e hirit, një prift spërkat me hi kokat e besimtarëve ose bëhet kryqin mbi ballin e tyre me hi.
Në traditën e krishterë, spërkatja e hirit nënkupton pendim dhe gatishmëri për një jetë të re.
Prindërit e sekretarit amerikan të Shtteit Marko (Marco) Rubio emigruan nga Kuba në Shtetet e Bashkuara të Amerikës në vitin 1956, dy vjet para se diktatori komunist Fidel Kastro (Castro) të vinte në pushtet.
Në Shtetet e Bashkuara të Amerikës ata u bashkuan me Kishën Mormone.
Mediat katolike në ShBA-ës raportojnë se ata më vonë u larguan nga Kisha Mormone me nxitjen e djalit të tyre dhe u kthyen në krishtërimin e ritit katolik.
Sekretari i Shtetit Rubio u konfirmua dhe u martua në Kishën Katolike, por më vonë, ai u bë anëtar i një Kishe Ungjillore, së bashku me bashkëshorten e tij.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments