RUSIA U PËRJASHTUA NGA CEREMONITË PËR SHËNIMIN E 80-VJETORIT TË ÇLIRIMIT TË KAMPIT TË PËRQENDRIMIT TË AUSHVICIT | KY AKT U KRYE PËR TË TRETIN VIT RADHAZI.

Varshavë, Poloni | Përfaqësuesit e Rusisë u përjashtuan nga ceremonitë me rastin e 80-vjetorit të çlirimit të kampit nazist të shfarosjes Aushvic-Birkenau nga Ushtria e Kuqe.

Muzeu i Aushvicit e njoftoi këtë, duke vërtetuar se një prani e tillë do të ishte cinike për shkak të luftës në Ukrainë.

“Ky është përjashtimi i tretë radhazi i Rusisë nga këto përkujtime që kur Moska filloi një luftë në Ukrainë në vitin 2022”, tha muzeu.

Deri në pushtimin e Ukrainës, Rusia kishte marrë pjesë gjithmonë në ceremonitë e mbajtura çdo vit më 27 janar, ditën kur ushtarët sovjetikë arritën në portat e kampit nazist ku gjetën rreth 7000 të mbijetuar.

“Është një përvjetor i çlirimit (të kampit). Ne kujtojmë viktimat, por festojmë edhe lirinë atje.

Është e vështirë të imagjinohet prania e Rusisë, e cila, qartazi nuk e kupton vlerën e lirisë”, shpjegoi drejtori të vendit memorial të ish-kampit nazist gjerman, Piotr Siuinski (Cywinski), në një deklaratë për shtyp.

Muzeu i Aushvicit e ka quajtur pushtimin rus të Ukrainës një akt barbarie.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit