___.png)
Kiev, Ukrainë | Rusia dhe Ukraina zhvilluan një shkëmbim të burgosurish, ku secila palë shkëmbeu 90 robër lufte - me Emiratet e Bashkuara Arabe (EBA) që vepronin si ndërmjetës.
Shkëmbimi i së martës shënoi të fundit në një seri shkëmbimesh periodike midis dy kombeve që nga fillimi i luftës Rusi-Ukrainë në muajin shkurt të vitit 2022.
Ministria ruse e mbrojtjes konfirmoi shkëmbimin dhe tha se personeli ushtarak rus i liruar do të transportohej në Moskë për trajtim mjekësor dhe rehabilitim.
Shkëmbimi i të burgosurve u pranua edhe nga presidenti ukrainas Volodimir Zelenski, i cili festoi kthimin e të burgosurve në shtëpi në një deklaratë në rrjetin social virtual Iks (X0.
Përfaqësuesit e Ombudsmanes Ruse Tatiana (Tatyana) Moskalkova u takuan gjithashtu me homologët e tyre ukrainas gjatë shkëmbimit të të burgosurve për të diskutuar opsionet e mundshme për civilët aktualisht në paraburgim.
Përfshirja e Emirateve të Bashkuara Arabe si ndërmjetës ka qenë e rëndësishme në sigurimin e shkëmbimeve të të burgosurve midis të dy vendeve, me këtë shkëmbim që shënon shkëmbimin e pestë të tillë të të burgosurve që nga fillimi i këtij viti.
Vendi i Gjirit ka mbajtur një politikë neutraliteti relative që nga pushtimi i Ukrainës nga Rusia; megjithatë, roli i tij në ndërmjetësimin e shkëmbimeve të tilla të të burgosurve ka shkaktuar ndonjëherë fërkime me Shtetet e Bashkuara të cilat do të donin që ajo të merrte pjesë në regjimin e sanksioneve që synon Rusinë.
Një shkëmbim i të burgosurve në fillim të këtij viti pa rreth 500 të burgosur të liruar nga Ukraina dhe Rusia.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments