RUMANI: U ARRESTUA POLITIKANI I EKSTREMIT TË DJATHTË KALIN GEORGESKU (CALIN GEORGESCU) I CILI FITOI RAUNDIN E PARË TË ZGJEDHJEVE PRESIDENCIALE NËNTORIN E KALUAR TË CILAT MË PAS U ANULUAN NGA GJK.

Bukuresht, Ruamni | Politikani rumun i ekstremit të djathtë Kalin Georgesku (Calin Georgescu), i cili, çuditërisht fitoi raundin e parë të zgjedhjeve presidenciale nëntorin e kaluar, të cilat më pas u anuluan nga Gjykata Kushtetuese dhe që është një nga kandidatët në zgjedhjet e reja presidenciale të planifikuara për më 4 maj 2025, u ndalua në trafik mëngjesin e sotëm dhe u dërgua në prokurori për t'u marrë në pyetje.

Akuzat e ngritura ndaj tij dhe bashkëpunëtorëve të tij janë ato të veprimeve kundër rendit kushtetues dhe deklarimeve të rreme në lidhje me financimin e fushatës elektorale.

Policia kreu kontrolle të shumta në Bukuresht.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit