REPUBLIKA POPULLORE E KINËS DHE FEDERATA RUSE ZHVILLUAN RAUNDIN E TRETË TË STËRVITJEVE TË PËRBASHKËTA TË MBROJTJES NGA RAKETAT.

Pekin, Republika Popullore e Kinës | “Kina dhe Rusia zhvilluan raundin e tretë të stërvitjeve të përbashkëta të mbrojtjes nga raketat në tokën ruse në fillim të muajit dhjetor”.

Kështu raportoi Ministria kineze e Mbrojtjes të shtunën në mbrëmje.

“Stërvitja e përbashkët nuk synon palë të treta dhe nuk ka të bëjë fare me situatën aktuale ndërkombëtare dhe rajonale”, thuhej në një deklaratë në faqen e internetit të ministrisë kineze, e raportuar nga agjencia kanadeze e lajmeve Rojtërs (Reuters) online.

Të dyja vendet zhvilluan bisedime mbi mbrojtjen nga raketat dhe stabilitetin strategjik muajin e kaluar dhe kryen stërvitje artilerie dhe luftarake anti-nëndetëse në Detin e Japonisë në muajin gusht.

Rusia dhe Kina nënshkruan një partneritet strategjik të pakufizuar pak para pushtimit të Ukrainës nga Rusia në vitin 2022, duke u zotuar të kryejnë stërvitje të rregullta ushtarake për të koordinuar forcat e tyre të armatosura.

Të dy vendet kanë shprehur shqetësim në lidhje me planet e Presidentit të ShBA-ës, Danlld Tramp (Donald Trump), për të ndërtuar një mburojë raketore “Kupola e Artë” dhe qëllimin e tij të deklaruar për të rifilluar testimet e armëve bërthamore pas një ndërprerjeje prej më shumë se 30 vitesh.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit