REBELËT HUTHI TË JEMENIT TË MBËSHTETUR NGA IRANI MORËN PËRGJEGJËSINË PËR NJË SULM TË DYTË NDAJ AEROPLANMBAJTËSES USS HARRY S. TRUMAN + DISA ANIJE TË TJERA LUFTARAKE AMERIKANE NË VERI TË DETIT TË KUQ.

Sanë, Jemen | Rebelët Huthi të Jemenit të mbështetur nga Irani morën përgjegjësinë për një sulm të dytë ndaj një grupi aeroplanmbajtës të ShBA-ës të hënën, duke e quajtur atë si hakmarrje për sulmet e ShBA-ës.

Një zëdhënës i grupit shiit tha se për herë të dytë në 24 orë luftëtarët Huthi qëlluan me raketa dhe drone në USS Harry S.

Truman dhe disa anije të tjera luftarake amerikane në veri të Detit të Kuq.

Rebelët jemenas të mbështetur nga Irani thanë se kishin shënjestruar aeroplanmbajtësen me raketa të shumta balistike dhe të lundrimit, si dhe me drone, në një përleshje që zgjati disa orë.

ShBA-ës nuk i kanë konfirmuar sulme të tilla.

Sipas mediave Huthi, Uashingtoni kreu sulme të mëtejshme në Jemen mbrëmë, duke synuar një fabrikë në rajonin perëndimor të Hodeida dhe kabinën e “Galaxy Leader”, një anije e kapur nga rebelët më shumë se një vit më parë.

Komanda Qendrore e Ushtrisë Amerikane në Lindjen e Mesme (CENTCOM) tha në një deklaratë se operacionet kundër terroristëve Huthi vazhdojnë, pa dhënë detaje të mëtejshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit