___.png)
Jorku i Ri, Amerikë | Raportuesi Special për situatën e të drejtave të njeriut në Afganistan publikoi një raport (A/HRC/56/25), përpara seancës së 56-të të Këshillit të të Drejtave të Njeriut që do të mbahet nga 18 qershori deri më 12 korrik 2024, ku Raportuesi i Posaçëm (Special) do të trajtojë gjetjet.
Një analizë kritike e përkeqësimit të nënshtrimit të grave dhe vajzave afgane nga talebanët theksohet dhe përshkruhet si një rrënjosje sistematike që çon në dëme shkatërruese dhe afatgjata për të gjitha gjinitë, me implikime që shtrihen shumë përtej kufijve të Afganistanit që ka të ngjarë të lindin nga angazhimi i kushtëzuar keq me talebanët.
Refuzimi i dinjitetit njerëzor të grave dhe vajzave nga talebanët është i përhapur dhe përforcohet përmes dekreteve dhe politikave të shumta që privojnë të drejtat e njeriut si të drejtat për arsim, punë, shëndetësi dhe lirinë e lëvizjes dhe shprehjes.
Ndërsa raporti konstaton se në periudhën nga muaji qershori i vitit 2023 deri në muajin mars të vitit 2024 janë nxjerrë 53 dekrete që kufizojnë të drejtat e grave dhe vajzave, politikat kryesore që shqyrtohen përfshijnë ndalimin e:
1- Programeve arsimore.
2- Hyrjes në parqe.
3- Mbajtjen e posteve drejtoreshë.
4- Mosmbajtjes së një hixhabi të zi me fytyrë të mbuluar gjatë kohës që janë në televizion.
Në ndërtimin e raporteve të mëparshme, Raportuesi i Posaçëm (Special) konstaton gjithashtu abuzime të rënda të të drejtave të njeriut dhe konstaton se sistemi i institucionalizuar i talebanëve i diskriminimit, ndarjes, mosrespektimit të dinjitetit dhe përjashtimit të grave dhe vajzave ka të ngjarë të përbëjë krime kundër njerëzimit.
Shqetësimi për rivendosjen e gjuajtjes me gurë, rrahjet e pësuara dhe forma të tjera të dhunës fizike dhe psikologjike, si dhe dhuna seksuale, skllavërimi dhe trafikimi në duart e talebanëve janë analizuar në raport si krime kundër njerëzimit dhe demonstrojnë një krizë të tmerrshme për gratë dhe fëmijët në Afganistan.
Në shqyrtimin e veprimeve përpara, raporti, mes sugjerimeve të tjera, mbështet një rast kundër Afganistanit në Gjykatën Ndërkombëtare të Drejtësisë dhe e sheh thelbësore që Gjykata Ndërkombëtare Penale të pajiset me burimet e nevojshme për të kryer hetime efektive për krimet sipas ligjit ndërkombëtar.
Më tej, raporti mbështet kodifikimin e aparteidit gjinor si një krim kundër njerëzimit.
Ky kodifikim u kërkua fillimisht nga Grupi i Punës për diskriminimin ndaj grave dhe vajzave në shkurt 2024.
Në shkurt të këtij viti, OKB-ja raportoi dhe thirri një takim të të dërguarve specialë dhe përfaqësuesve specialë për Afganistanin.
Ky raport i përgjigjet në mënyrë specifike kërkesës për një vlerësim të pavarur të mandatuar nga rezoluta 54/1 dhe përforcon shqetësimin e theksuar në shkurt për të drejtat e grave në Afganistan.
Këshilli për të Drejtat e Njeriut do të shqyrtojë raportin e Raportuesit të Posaçëm (Special) për situatën e të drejtave të njeriut në Afganistan, i ndjekur nga një dialog i zgjeruar interaktiv më 18 qershor 2024.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments