PUTINI MBUSH 72 VJEÇ: 21 VJET SI KREU I KREMLINIT | URIME NGA KOMONUELTHI I SHTETEVE TË PAVARURA (CIS) I CILI PËRFSHIN 9 NGA 15 ISH-REPUBLIKAT SOVJETIKE: NJË SAMIT ËSHTË PLANIFIKUAR PËR SOT NË MOSKË.

Moskë, Federata Ruse | Presidenti rus Vladimir Putin feston sot ditëlindjen e tij të 72-të, 21-vjetorin si kreu i Kremlinit.

Asnjë ngjarje e veçantë nuk është planifikuar, sipas asaj që njoftoi zëdhënësi i tij, Dmitri (Dmitry) Peskov, duke njoftuar se në mbrëmje presidenti do të mirëpresë homologët e tij nga Komonuelthi i Shteteve të Pavarura (CIS), i cili përfshin nëntë nga 15 ish-republikat sovjetike, për një samit, përveç Turkmenistanit, i cili merr pjesë si një vend i asociuar.

Mes mesazheve të urimeve të marra nga Putini, është ai i aleatit të tij më të ngushtë, presidentit bjellorus Aleksandër Lukashenko, i cili mbërriti në Moskë mëngjesin e sotëm për samitin.

“Minsk nënvizoi pozicionin e vendosur të Vladimir Putinit dhe angazhimin e tij për zhvillimin e mëtejshëm të aleancës dhe partnerit strategjik midis bjellorusëve dhe Rusisë”, tha presidenti bjellorus Lukashenko.

Urimet më të mira për presidentin Putin edhe nga kryeministri armen Nikol Pashinjan (Pashinyan), vendi i të cilit ka parë një ftohje progresive të marrëdhënieve me Moskën vitet e fundit.

Kryeministri Pashinjan (Pashinyan), i cituar nga shërbimi i shtypit i qeverisë së tij, theksoi se nevoja për aktivitete koherente që synojnë forcimin e bashkëpunimit reciprokisht të dobishëm në të gjitha fushat me interes të ndërsjellë është e një rëndësie të veçantë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit