“PUSI I MEZINIT”; VLORË | LUAN LLANO U PËRFSHI NË AKSIDENT AUTOMOBILISTIK: VDIQ | TOMORR MBRATI MBETI I PLAGOSUR POR VDIQ MË VONË (TRAGJEDI E MADHE).

Vendi i aksidentit automobilistik.

“Pusi i Mezinit”, Vlorë, Shqipëri | Strukturat vendore të Policisë së Shtetit konstatuan se:

1- Z. Luan Llano, me moshë 19 vjeç, mbeti i vdekur në aksident automoblistik.

I plagosur mbeti:

1- Z. Tomorr Mbrati (i cili, vdiq po ashtu nga plagët e marra).

Aksidenti automobilistik ngjau mesditën e sotme, rreth orës 13:35, në aksin rrugor kombëtar Vlorë-Fier, pranë një pike karburantesh, në vendin e njohur si “Pusi i Mezinit”.

Një motomjet tip “Piaggio” me targa AK653 doli nga rruga dhe u përplas me një shtyllë elektrike duke shkaktuar dëme të mëdha materiale dhe pasoja të rënda shëndetësore për subjektet që udhëtonin në motomjet.

Viktima e dytë (Tomorr Mbrati).

Viktimat e aksidentit automobilistik.

Njoftim | Në vijim të aksidentit të ndodhur sot, në rrugën “Demokracia”, ju informojmë se shtetasi L. Ll., 19 vjeç, i cili ndërroi jetë në vendngjarje, ka qenë drejtuesi i motomjetit.

Gjithashtu, ka ndërruar jetë gjatë transportit për në Spitalin e Traumës edhe shtetasi i mitur T. M., 16 vjeç, i cili udhëtonte si pasagjer.

Në përfundim të veprimeve hetimore, materialet do t’i referohen Prokurorisë për veprime të mëtejshme procedurale, thuhet në njoftimin e Policisë së Shtetit.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit