PRESIDENTI ZELENSKI: PUTINI PO REKRUTON 100 MIJË USHTARË JO VETËM KUNDËR UKRAINËS POR EDHE KUNDËR NATO-s | AI NUK DËSHIRON PAQEN POR TË ZGJASË LUFTËN.

Kiev, Ukrainë | Sipas burimeve të inteligjencës, Vladimir Putin është duke rekrutuar edhe 100 mijë burra të tjerë në ushtrinë e tij, duke tradhtuar kështu qëllimin e tij të vërtetë, që nuk është të negociojë paqen, por të zgjasë luftën.

Dhe jo vetëm kundër Ukrainës.

Prandaj, vendet evropiane duhet të reagojnë dhe ndër të tjera të rrisin shpenzimet e tyre për mbrojtjen.

Kështu deklaroi presidenti ukrainas Volodimir Zelenski (Volodymyr Zelensky), i cili zbuloi se po viziton Kievin për herë të parë për të shprehur mbështetjen e NATO-s për kryetarin e Komitetit Ushtarak të NATO-s, admiralin Zhuzepe Kavo Dragone (Giuseppe Cavo Dragone).

Kështu shkruajnë mediat ukrainase.

“Putini nuk po përgatitet për negociata, jo për paqe, por për vazhdimin e luftës. Dhe jo vetëm kundër nesh, kundër Ukrainës. Tani ata po e shtojnë ushtrinë e tyre me më shumë se 100 mijë ushtarë. Të gjithë partnerët e NATO-s duhet ta dinë këtë dhe ta kuptojnë”, citohet të ketë thënë presidenti Zelenski nga Rbc-Ukraina dhe media të tjera.

“Ukraina - tha presidenti Zelenski - është e gatshme të transmetojë informacionin përkatës dhe komunikimin e duhur dhe të gjitha vendet evropiane do të duhet të forcojnë mbrojtjen e tyre.

Ne duhet të shohim së bashku se cilat janë kërcënimet dhe cilat janë kundërmasat tona.

Duhet një kuptim i qartë: këtu në Evropë, çdo vend do të duhet të forcojë mbrojtjen e tij dhe objektivi prej 5% i PBB-së për mbrojtjen nuk do të zhduket nga agjenda”, tha ai.

“Sot, kreu i ri i Komitetit Ushtarak të NATO-s është në Ukrainë. Udhëtimi i tij i parë është në vendin tonë për të mbështetur ukrainasit. Ne e vlerësojmë atë. Sot diskutuam për përgatitjet për Ramstein dhe nevojat e mbrojtjes sonë, mbrojtjen tonë të përbashkët”, vuri në dukje presidenti ukrainas.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit