PRESIDENTI VOLODIMIR ZELENSKI: SANKSIONE TË REJA NËSE BISEDIMET NË STAMBOLL DËSHTOJNË.

Vilnius, Lituani | Faza e dytë e bisedimeve midis delegacioneve nga Rusia dhe Ukraina për të gjetur një zgjidhje për konfliktin është duke u zhvilluar në Stamboll.

Delegacioni i Kievit kryesohet nga Ministri i Mbrojtjes Umerov, ndërsa ai rus nga Vladimir Medinski, këshilltari i presidentit Vladimir Putin.

“Ne duhet të sigurohemi që diplomacia të mos jetë boshe. Pika fillestare duhet të jetë armëpushimi.

Nëse Stambolli nuk çon në asgjë, sanksione të reja nga BE-ja dhe ShBA-ës do të jenë qartësisht të nevojshme”.

Presidenti ukrainas Volodimir Zelenski e tha këtë në Vilnius për samitin nordik, duke iu referuar raundit të ri të bisedimeve Rusi-Ukrainë të planifikuara për sot në Turqi.

“Delegacioni ukrainas erdhi në Stamboll me një axhendë të qartë dhe një gatishmëri për të ndërmarrë hapa të rëndësishëm drejt paqes.

Nëse rusët janë të gatshëm të ecin përpara dhe të mos përsërisin të njëjtat ultimatume, atëherë mund të ketë lajme të mira dhe të rëndësishme sot”, tha një burim.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit