PRESIDENTI VOLODIMIR ZELENSKI: 45 SHOQËRI TREGTARE PERËNDIMORE THYEJNË SANKSIONET DHE FURNIZOJNË INDUSTRINË USHTARAKE RUSE.

Kiev, Ukrainë | Presidenti Volodimir Zelenski tha se kompanitë perëndimore, përfshirë ato gjermane dhe çeke, vazhdojnë të furnizojnë industrinë ushtarake ruse, duke bërë thirrje për sanksione kundër tyre.

“Federata Ruse merr makineri nga disa vende, që i përdor për të prodhuar armë”, tha presidenti ukrainas në një konferencë për shtyp, nën embargo deri më sot.

Sipas tij, pesëmbëdhjetë nga këto kompani janë tajvaneze, trembëdhjetë gjermane, tetë çeke, gjashtë koreano-jugore dhe tre japoneze.

Ai tha se i dinte emrat e këtyre kompanive, por nuk i përmendi ato.

“Ne e kemi ndarë të gjithë këtë informacion me të gjithë, partnerët tanë, Bashkimin Evropian dhe Shtetet e Bashkuara. Ne i bëjmë thirrje të gjithëve që t'i sanksionojnë këto kompani”, denoncoi presidenti Zelenski.

Sipas presidentit ukrainas, kompanitë e përfshira mund t'i shkëputin këto makina që funksionojnë me sisteme elektronike në distancë dhe t'i bëjnë ato të paoperueshme.

“Këto kompani mund t'i shkëpusin ato dhe makinat nuk do të funksionojnë më. Kjo do të ishte një ngadalësim i vërtetë i procesit. Do të ishte si të çarmatosësh Rusinë pa armë”, tha ai.

Në total, Kievi ka dërguar informacione rreth këtyre kompanive në 26 vende.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit