PRESIDENTI TOKAJEV PRITI PRESIDENTIN PUTIN: LIDHËN 20 MARRËVESHJE | VITIN E KALUAR VOLUMI TREGTAR MES TYRE ARRITI NË 28.5 MILIARDË $ NDËRSA INVESTIMET RUSE NË KAZAKISTAN ARRITËN NË 13 MILIARDË $.

Astana, Kazakistan | Presidenti i Kazakistanit, Kassym-Jomart Tokajev, priti sot homologun e tij rus, Vladimir Putin, në një vizitë shtetërore në rezidencën presidenciale në Astana.

Pas ceremonisë së pritjes, dy udhëheqësit u takuan për një takim të vogël.

U njoftua nënshkrimi i 20 marrëveshjeve.

Kjo u raportua nga një deklaratë e presidencës kazake.

Gjatë takimit mes tyre u diskutuan erspektivat për zhvillimin e një bashkëpunimi të gjerë: industria, energjia, nafta dhe gazi, transporti i burimeve energjetike, inxhinieria, logjistika, financat, ekologjia, burimet ujore, arsimi, shkenca dhe kultura, fushat humanitare.

Presidenti Tokajev falënderoi presidentin Putinin për pranimin e ftesës së tij.

“Kjo është padyshim një ngjarje shumë e rëndësishme në marrëdhëniet tona”, tha ai, dhe theksoi se të dy vendet jo vetëm që kanë ruajtur një ritëm pozitiv të bashkëpunimit dypalësh, por edhe janë rritur dhe se marrëveshjet e nënshkruara gjatë vizitës do t'i japin shtysë të re zhvillimit të mëtejshëm të bashkëpunimit.

“Ne jemi vende mike”, deklaroi presidenti Putin, duke shprehur mirënjohjen, dhe nga ana e tij, duke ftuar presidentin Tokajev në Rusi.

“Rusia mbetet një nga partnerët më të mëdhenj tregtarë dhe ekonomikë të Kazakistanit”, nënvizoi presidenti rus, duke kujtuar se vitin e kaluar volumi tregtar arriti në 28.5 miliardë dollarë dhe se investimet ruse në Kazakistan arritën në 13 miliardë dollar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit