PRESIDENTI RUS PUTIN: FORCAT RUSE HYNË NË UKRAINË NGA KURSKU | ZËDHËNËSI I QENDRËS KUNDËR DEZINFORMIMIT TË QEVERISË UKRAINASE ANDRIJ (ANDRIY) KOVALENKO: ËSHTË GËNJESHTËR.

Moskë, Federata Ruse | Presidenti Vladimir Putin tha se forcat ruse kaluan kufirin nga rajoni i Kurskut në territorin ukrainas mbrëmë, por nuk sqaroi nëse kjo nënkupton një çlirim të plotë të rajonit rus të pushtuar pjesërisht nga trupat e Kievit që nga gushti i vitit të kaluar.

“Informacioni i fundit, që më është raportuar vetëm një orë më parë, është se ushtarët e Brigadës 810 kanë kaluar kufirin ruso-ukrainas dhe kanë hyrë në territorin armik”, citohet të ketë thënë presidenti Putin nga agjencia ruse e lajmeve “Tass”.

Kievi i ka hedhur poshtë deklaratat e presidentit Vladimir Putin si gënjeshtra.

“Informacioni i Putinit për një ofensivë ruse në shkallë të gjerë është një gënjeshtër”, tha në Telegram z. Andrij (Andriy) Kovalenko, zëdhënës i Qendrës kundër dezinformimit të qeverisë ukrainase.

Versioni ukrainas është se një grup zbulimi dhe sabotimi rus tentoi të hynte në Ukrainë nga rajoni i Kurskut, por u asgjësua.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit