PRESIDENTI NOBOA NJOFTOI SE QEVERIA E TIJ DO T'I PARAQESË ASAMBLESË KOMBËTARE (PARLAMENTIT) KËRKESË PËR TË NDRYSHUAR KUSHTETUTËN ME QËLLIM LEJIMIN E BAZAVE USHTARAKE TË HUAJA NË EKUADOR.

Kuito, Ekuador | Presidenti i Ekuadorit Daniel Noboa ka njoftuar se qeveria e tij do t'i paraqesë Asamblesë Kombëtare (parlamentit) një projekt për reformën e pjesshme të Kushtetutës për të shfuqizuar ndalimin e instalimit të bazave ushtarake të huaja në vend, të parashikuar në nenin 5.

“Në një konflikt transnacional ne kemi nevojë për përgjigje kombëtare dhe ndërkombëtare. Po ringjallim një vend të gjunjëzuar, i cili ishte bërë djep i trafikut të drogës dhe i diskutueshëm mes mafiozëve në një nocion të rremë sovraniteti”, tha kreu i shtetit në një mesazh të publikuar në rrjetet sociale.

“Koha ka treguar se i vetmi efekt i vendimeve të vjetra ishte dobësimi i vendit përballë kërcënimeve që sot nuk njohin kufij dhe nuk kanë mëshirë”, shtoi ai.

Ekuadori është përballur me një valë të paprecedentë të dhunës kriminale prej muajsh, e cila ka shtyrë qeverinë të shpallë konflikt të brendshëm dhe të dekretojë një gjendje të jashtëzakonshme.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit