Buenos Aries, Argjentinë | Inteligjenca artificiale, teknologjia dhe energjia: këto janë tre akset kryesore mbi të cilat Javier Milei synon të tërheqë fonde të huaja dhe të oksigjenojë arkat e Bankës Qendrore (Bcra), duke shfrytëzuar regjimin nxitës të miratuar së fundmi për investime të mëdha (Rigi).
“Treguesi i Kaza Rosadës (Casa Rosada) është të tregojë fytyrën e besueshme të vendit për të tërhequr kryesisht projekte teknologjike afatgjata”, shpjegon një anëtar i kabinetit, në anonimitet të rreptë.
Veprimet konkrete në këtë drejtim tashmë kanë filluar.
Zyrtarët e Bcra, Demian Reidel dhe Santiago Bausili ditët e fundit morën pjesë në një samit të organizuar nga Instituti Milken në Shtetet e Bashkuara për të diskutuar inteligjencën artificiale.
Me atë rast, delegatë nga Buenos Aires ilustruan hipoteza të ndryshme, duke përfshirë krijimin e një Lugine Silikoni në Patagoni.
Energjia gjithashtu zë një hapësirë themelore në strategjinë e ekzekutivit.
Ideja është të ofrohet potenciali jokonvencional i naftës dhe gazit të “Vaca Muerta për të mbështetur projektet e teknologjisë”.
Qeveria po përpiqet ta kthejë vendin në një qendër ndërkombëtare për inteligjencën artificiale.
Por Argjentina nuk po shikon vetëm SHBA-në.
Në muajin shtator Ministri i Ekonomisë, Luis Kaputo (Caputo), do të udhëtojë në Arabinë Saudite për takime me Fondin Sovran Saudit, i cili investon në teknologji, energji, infrastrukturë, por edhe pasuri të paluajtshme, turizëm dhe argëtim.
Presidenti i kompanisë shtetërore të energjisë YPF, Pablo González, në vend të kësaj do të shkojë në Indi për të avancuar, ndër të tjera, një marrëveshje për eksportin e naftës me gjigantin aziatik.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comentários