PRESIDENTI IZRAELIT ISAK (ISAAC) HERZOG THA GJATË FJALËS SË TIJ NË KONGRESIN BOTËROR HEBRAIK NË JERUSALEM SE MBËSHTET RIFILLIMIN E NDIHMËS NDAJ POPULLSISË SË GAZËS.

Jeruzalem, Izrael | Presidenti izraelit, Isak (Isaac) Herzog, shprehu mbështetjen e tij për vendimin e qeverisë për të lejuar rifillimin e ndihmës humanitare në Gaza, duke e quajtur atë të domosdoshëm për ruajtjen e kushteve themelore njerëzore në Rripin e Gazës.

“Ky hap është jetik për Izraelin që të ruajë aftësitë e tij ushtarake, të veprojë në përputhje me ligjin ndërkombëtar humanitar dhe, mbi të gjitha, që ne të ruajmë humanitetin tonë në këtë tragjedi”, tha ai, duke folur në seancën plenare të Kongresit Botëror Hebraik në Jerusalem, siç citohet nga enti mediatik izraelit “Times of Israel”.

Duke pranuar brutalitetin e luftës, presidenti Herzog e dënon Hamasin si një armik mizor dhe të lig përgjegjës për torturimin e jetëve të pafajshme dhe kryerjen e mizorive të shumta.

“Ne jemi më mirë.

Ne nuk do ta lejojmë armikun tonë të na dehumanizojë.

Duhet të jemi më të mirë. Ne gjithmonë do të udhëhiqemi nga humaniteti ynë”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit