PRESIDENTI I SHTETEVE TË BASHKUARA TË MEKSIKËS OBRADOR: NUK I TAKON MEKSIKËS TË ARRESTOJË PUTININ!
Meksiko, Shtetet e Bashkuara të Meksikës | “Nuk i takon Meksikës të vazhdojë me arrestimin e mundshëm të presidentit të Rusisë, Vladimir Putin”, tha presidenti i vendit të Amerikës Latine, Andrés Manuel López Obrador.
Në një konferencë për shtyp, i pyetur në lidhje me kërkesën e autoriteteve ukrainase për të arrestuar liderin rus nëse ai e pranon ftesën për inaugurimin e presidentes së sapozgjedhur Klaudia (Claudia) Sheinbaum, kreu i ekzekutivit u përgjigj: “Ne nuk mund ta bëjmë këtë, nuk na korrespondon. Ne jemi kundër luftërave, jemi pro paqes dhe ajo që kemi propozuar në rastin e luftës midis Rusisë dhe Ukrainës janë marrëveshje dhe ndërmjetësime”.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments