___.png)
Romë, Itali | “Duhet të përsëritet me kokëfortësi se ndjekja e perspektivës dy popuj-dy shtete mbetet e vetmja që mund të garantojë një paqe të përbashkët dhe të qëndrueshme”, tha presidenti i Republikës së Italisë, Serxho Matarela (Sergio Mattarella), në një dolli, gjatë darkës në Pallatin Kuirinale (Quirinale) me presidentin e Emirateve të Bashkuara Arabe, Mohamed bin Zayed Al Nahyan.
“Sot angazhimi - shtoi ai - mund të drejtohet vetëm në shmangien e rifillimit të luftimeve, në mbajtjen e hapur të fillit të bisedimeve të ndërtuara me mundim gjatë këtyre muajve, në heqjen e sedimenteve të inatit.
Kthimi në armiqësi nuk sjell siguri në të ardhmen për Izraelin, as, aq më pak, zgjidhje për popullin palestinez, i cili, është në kushte dramatike në Gaza.
Me vlerësim të madh dua të nënvizoj ndihmën e jashtëzakonshme humanitare të Emirateve të Bashkuara Arabe në favor të popullsisë së Gazës.
Është një angazhim - ai i shpëtimit të jetëve njerëzore, dhënies së ndihmës për të plagosurit - që na ka parë, edhe një herë, duke punuar me krenari krah për krah.
Vendet tona ndajnë - tha presidenti Matarela - së bashku me një ndjeshmëri të ngjashme për çështjet e paqes dhe bashkëpunimit, një thirrje të natyrshme për tregti dhe hapje ndaj investimeve.
Kam kënaqësinë të vërej se bashkëpunimi dypalësh është intensifikuar ndjeshëm vitet e fundit.
Ka shumë kompani italiane që operojnë në Emiratet e Bashkuara Arabe dhe bashkë me to komuniteti i italianëve që jetojnë në vendin tuaj mikpritës.
Është gjithashtu e mirëpritur ideja e Emirateve të eksplorohen siç duhet në forumin e sipërmarrjes që do të zhvillohet nesër.
Krahas sektorëve tradicionalë, sigurisht që do të ketë vend për sektorë më të avancuar dhe më largpamës”.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments