PRESIDENTI I REPUBLIKËS SË ITALISË SERXHO MATARELA (SERGIO MATTARELLA) DHA INTERVISTË PËR TRANSMETUESIN JAPONEZ “NHK”: SHUMË HERËT PËR TË FOLUR PËR DËRGIMIN E FORCAVE ITALIANE NË UKRAINË.

Romë, Itali | “Nuk jemi ende atje: negociatat e paqes as që kanë filluar. Të flasësh për atë që do të ndodhë si zgjidhje është krejtësisht e pavend”, tha presidenti i Republikës së Italisë, Serxho Matarela (Sergio Mattarella).

Ai i bëri këto deklarime në një intervistë për transmetuesin japonez “NHK”, duke iu përgjigjur një pyetjeje në lidhje me dërgimin e mundshëm të trupave paqeruajtëse italiane në Ukrainë.

“Evropa ka tre vjet që përpiqet të bëjë Rusinë të negociojë dhe ne të gjithë shpresojmë se më në fund do të jetë e disponueshme.

E përsëris, ne kemi nevojë për një paqe të drejtë që nuk krijon një haraç ndaj arrogancës së armëve, sepse përndryshe do të hapej një sezon shumë i rrezikshëm për jetën ndërkombëtare.

Ne kemi nevojë për një zgjidhje të drejtë që nuk është e brishtë dhe kalimtare, e bazuar në normat e Kartës së OKB-së dhe e pranuar nga të dyja palët.

Duhet të kërkojmë me bindje dhe shpejt një zgjidhje paqësore që të mos dëmtojë asnjërën palë, por vetëm që të jetë e qëndrueshme, sepse një paqe e bazuar në arrogancë nuk do të zgjaste shumë.

Italia dhe Japonia kanë një besim të përbashkët: se jeta ndërkombëtare është e mundur vetëm nëse ka rregulla të caktuara që të gjithë i respektojnë, rregulla që zbatohen për të gjithë, pavarësisht nga madhësia ose fuqia ushtarake ose ekonomike që kanë.

Rregullat e këtij lloji janë të domosdoshme për një jetë të rregullt.

Japonia dhe Italia besojnë se rregullat duhet të respektohen dhe se kur ato shkelen, krijohen kushte dramatike, si ato që ndodhin aktualisht në Ukrainë”, tha presidenti italian Matarela.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit