PRESIDENTI EMANUEL MAKRON: LE TË JEMI TË PALËKUNDUR KUR KËRCËNOHET SOVRANITETI TERRITORIAL I GREQISË DHE QIPROS.

Nisë, Francë | “Presidenti francez Emanuel Makron bëri një referencë të qartë për nevojën për të mbrojtur ZEE-të dhe qëndrimin e palëkundur që Bashkimi Evropian duhet të demonstrojë kur kërcënohet integriteti territorial i partnerëve, si Greqia dhe Qiproja, me kritika të ashpra të qarta kundër Turqisë.

Presidenti francez, i cili, foli në një panel me presidenten e Komisionit Evropian Ursula von der Leyen dhe kryeministrin grek Qirjakos Micotaqis (Kyriakos Mitsotakis), në margjinat e Samitit të Oqeaneve të OKB-së, i cili, po organizohet në Nisë”, tha se nevoja për të mbrojtur Zonat Ekonomike Ekskluzive të shteteve anëtare të Bashkimit Evropian është thelbësore, duke theksuar se ne duhet të jemi të palëkundur kur kërcënohet sovraniteti territorial i disa prej partnerëve tanë.

“Po i referohem miqve tanë, grekëve ose qipriotëve.

Nëse duam të ruajmë 30% me zonat tona të mbrojtura detare, nëse duam të luftojmë peshkimin e paligjshëm, klandestin dhe të pakontrolluar, nëse duam të mbrojmë shkencën tonë, duhet të mbrojmë zonat tona ekonomike ekskluzive.

Prandaj, ne duhet të jemi të palëkundur kur kërcënohet sovraniteti territorial i disa prej partnerëve tanë.

Po mendoj këtu për miqtë tanë grekë ose qipriotë. Ne duhet të mbrojmë ujërat tona territoriale dhe këto zona detare kudo”, tha presidenti Makron në mënyrë karakteristike.

“Prandaj, përpjekja për sigurinë dhe mbrojtjen e bërë nga të gjithë evropianët, e shoqëruar nga Komisioni, duhet të përfshijë elementin oqeanik në dimensionin e saj.

Asnjë nga angazhimet tona nuk do të jetë e besueshme nëse nuk jemi në gjendje ta zbatojmë atë”, shtoi presidenti francez.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit