PRESIDENTI BRAZILIAN LUIZ INACIO LULA DA SILVA: TË GJITHË E DINË SE SI DO TË PËRFUNDOJË LUFTA NË UKRAINË; PUTINI NUK E LËSHON KRIMENË.

Paris, Francë | Presidenti brazilian Luiz Inacio Lula da Silva tha se Ukraina nuk do të jetë në gjendje të rimarrë të gjitha territoret e pushtuara nga Rusia dhe se sipas mendimit të tij, udhëheqësit kryesorë botërorë, përfshirë presidentin ukrainas Volodimir Zelenski dhe rusin Vladimir Putin e dinë tashmë se çfarë do të ndodhë pas luftës.

Ai i bëri këto komente gjatë një konference për shtyp me gazetarët gjatë udhëtimit të tij në Francë.

“Unë sinqerisht mendoj se në mënyrë të pavetëdijshme … të gjithë udhëheqësit politikë të botës e dinë se si do të përfundojë lufta”, tha presidenti Lula.

“Kushtet për një marrëveshje janë tashmë në tryezë. E tëra që mungon është guximi për të thënë qartë atë që dëshironi - shtoi ai, përpara se të bënte një pyetje retorike: A mendoni se Putini do të largohet nga Krimea”?

“Presidenti brazilian u përgjigj më pas vetë: As ai nuk dëshiron të largohet, as Zelenski nuk dëshiron të pranojë se pala tjetër i ka pushtuar tashmë ato territore”.

I pyetur se çfarë beson në të vërtetë se do të ndodhë, presidenti Lula u përgjigj me ironi: “Nuk mund ta them, sepse jam nga Amerika e Jugut, nuk dua të komentoj për diçka kaq serioze. Jam i bindur se të gjithë presidentët, veçanërisht ata evropianë, Shtetet e Bashkuara, Putini dhe Zelenski, e dinë se çfarë do të ndodhë”.

Sipas tij, një marrëveshje midis palëve është më afër nga sa duket, por si presidentët rusë ashtu edhe ata ukrainas luftojnë t'u shpjegojnë popujve të tyre përkatës kufijtë e tyre.

“Askush nuk do të marrë gjithçka që dëshiron. Ata do të mbajnë atë që mund të pushtojnë. Jeta është e tillë, në marrëdhëniet njerëzore, si dhe në ato politike”, tha ai.

“Është e vështirë të besosh në diçka dhe pastaj të kuptosh se nuk do të ndodhë, se nuk do të marrësh atë që doje, por vetëm një pjesë të saj.

As qëndrimi i Zelenskit dhe as ai i Putinit nuk do të realizohen 100 për qind”, deklaroi ai.

Presidenti më në fund rilançoi propozimin e tij të negociatave për t'i dhënë fund konfliktit: krijimin e një grupi vendesh në zhvillim, të udhëhequr nga Sekretari i Përgjithshëm i Kombeve të Bashkuara Antonio Guterres, i ngarkuar me vizitën në Ukrainë dhe Rusi, takimin me Putinin dhe Zelenskin dhe propozimin e kushteve për një armëpushim dhe një marrëveshje paqeje.

Sipas presidentit Lula, ideja u diskutua së fundmi me presidentin francez Emanuel Makron, gjatë vizitës së tij zyrtare në Paris.

Për presidentin Lula kjo do të ishte mënyra më e mirë për të ndihmuar të dy vendet të arrijnë një marrëveshje.

“Nëse asnjëri prej tyre nuk është në gjendje të thotë atë që dëshiron, dikush nga jashtë mund ta bëjë këtë. Megjithatë, kjo do të jetë e mundur vetëm me pëlqimin e të dyja palëve”, tha ai.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit