PRESIDENTI ARGJENTINAS JAVIER MILEI SULMOI VERBALISHT KRYEMINISTRIN SPANJOLL PEDRO SANÇEZ (SÁNCHEZ) DUKE E QUAJTUR BANDIT GJATË CEREMONISË SË MBYLLJES SË FORUMIT EKONOMIK TË MADRIDIT.

Madrid Mbretëria e Spanjës | Presidenti argjentinas Javier Milei sulmoi kryeministrin spanjoll Pedro Sançez (Sánchez), duke e quajtur bandit - gjatë ceremonisë së mbylljes së Forumit Ekonomik të Madridit.

Udhëheqësi ultra-liberal u ngjit në skenë, duke duartrokitur publikun dhe duke kënduar këngën “Yo soy el león” (Unë jam luani), të cilën, e përdori gjatë fushatës së tij zgjedhore.

“Rroftë liria; Vdekje socializmit!”, bërtiti ai nga podiumi, ndërsa turma u përgjigj duke brohoritur fyerje ndaj kryeministrit Sançez (Sánchez).

Presidenti Milei nga e njëjta skenë e quajti të korruptuar bashkëshorten e kryeministrit Sançez (Sánchez), Begoña Gómez - në një aktivitet të fushatës së Vox pak më shumë se një vit më parë.

Incidenti bëri që ambasadori i Mbretërisë së Spanjës të largohej nga Buenos Aires, duke shkaktuar një përshkallëzim pesëmujor të tensioneve diplomatike.

Komentet e reja të presidentit argjentinas erdhën disa orë pasi dhjetëra mijëra njerëz u mblodhën në kryeqytetin spanjoll në një demonstratë të organizuar nga partitë e opozitës, duke akuzuar qeverinë e kryeministrit Sançez (Sánchez) për korrupsion.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit