___.png)
Varshavë, Poloni | Polonia nisi presidencën e saj të Këshillit të Bashkimit Evropian të premten, e zhytur në një mosmarrëveshje diplomatike me Hungarinë, që nënvizoi një ndjenjë të thelluar të përçarjes politike në të gjithë Evropën, ashtu siç përballet me një sërë sfidash të mëdha globale.
E mbushur me një ekonomi të ngadaltë, Bashkimi Europian po përgatitet për kthimin e z. Danlld Tramp (Donald Trump) në Shtëpinë e Bardhë këtë muaj në një platformë të quajtur “America First” dhe vendosjen e mundshme të tarifave amerikane mbi eksportet evropiane.
Ajo gjithashtu përballet me përkeqësimin e marrëdhënieve tregtare me Kinën dhe luftën e rëndë të Rusisë në Ukrainë, të gjitha në një kohë kur dy fuqitë kryesore të Bashkimit Europian, Franca dhe Gjermania, janë të hutuara nga trazirat e brendshme politike.
Në këtë sfond të zymtë, Polonia po kërkon një rol udhëheqës në formësimin e politikës evropiane, veçanërisht në fushën e sigurisë.
“Nëse Europa është e pafuqishme, ajo nuk do të mbijetojë… Le të bëjmë gjithçka që Evropa dhe Polonia të mos paguajnë çmimin më të lartë për lirinë, për forcën, për sovranitetin. Le të bëjmë gjithçka për ta bërë Evropën të fortë përsëri”, tha kryeministri polak Donald Tusk gjatë një hapjeje gala në Varshavë.
Atij iu bashkua presidenti i Këshillit Evropian, Antonio Kosta (Costa), i cili, theksoi rëndësinë e mbështetjes së vazhdueshme për Kievin.
“Këtë vit ne duhet të vazhdojmë të qëndrojmë me Ukrainën - aq sa është e nevojshme, për aq kohë sa duhet, për të fituar një paqe gjithëpërfshirëse, të drejtë dhe të qëndrueshme”, tha presidenti Kosta.
Për këtë, ne duhet të vazhdojmë ta shohim mbrojtjen si një prioritet strategjik për Bashkimin Evropian.
Ambiciet polake: “Z. Tusk shpreson të udhëheqë një riorganizim në Bashkimin Europian kur bëhet fjalë për ndërtimin e një koalicioni rreth mbështetjes për Ukrainën dhe paqes kuptimplotë që përfiton Kievin, jo Moskën”, tha z. Edit Zgut-Przybylska, një asistent profesor në Institutin e Filozofisë dhe Sociologjisë në Akademinë e Shkencave Polake.
Z. Tusk, një ish-president i Këshillit Evropian, i cili, më parë ka shërbyer edhe si kreu i Partisë Popullore Evropiane të qendrës së djathtë, është një figurë e lidhur mirë në skenën e Bashkimit Europian.
Por, ndërsa kryeqytetet evropiane përballen me vendime të vështira për çështje të tilla si të forcojnë dhe financojnë shpenzimet e mbrojtjes, analistët thonë se Varshava nuk ka gjasa të jetë në gjendje të udhëheqë vetë.
Z. Piotr Buras, kreu i zyrës së Këshillit Evropian të Marrëdhënieve me Jashtë në Varshavë, tha se sfidat me të cilat përballet Bashkimi Europian tejkalojnë kapacitetin dhe horizontin kohor të çdo presidence gjashtëmujore.
“Ky është një moment kyç për Evropën mbi të gjitha për shkak të ardhjes së Trampit dhe situatës në Ukrainë, por edhe çështjeve që lidhen me ekonominë më të gjerë, konkurrencën dhe ndoshta luftën tregtare me një dobësi të njëkohshme të udhëheqësisë dhe një moment tranzicioni brenda vetë Bashkimit Europian”, tha z. Buras.
Lidhur me sigurinë kolektive të Evropës dhe mbështetjen për Kievin, disa analistë thanë se Gjermania, ekonomia më e madhe e Evropës, mund të marrë një rol më të madh pas zgjedhjeve të saj kombëtare të 23 shkurtit, të cilat, konservatorët pritet t’i fitojnë aktualisht.
“Shpresa e vetme është që udhëheqja e re gjermane do të vendosë të mbajë një qëndrim shumë më aktiv dhe më bindshëm”, tha z. Peter Bator, një ish-ambasador sllovak në NATO, i cili, tani është kryeanalist në partinë opozitare Sllovakia Progresive.
Përleshje diplomatike: Qeveria polake tha se i dërguari i Hungarisë nuk ishte i mirëpritur në ceremoninë për të shënuar marrjen e presidencës gjashtëmujore të rradhës të Bashkimit Europian nga Varshava, një mospërfillje shumë publike që pason muaj të tëra tregtime politike midis udhëheqësve të dy vendeve.
Hungaria zemëroi Poloninë muajin e kaluar duke i dhënë azil politik një ish-zëvendësministri polak të drejtësisë, i cili, është nën hetim penal në shtëpi për keqpërdorim të supozuar të fondeve publike, akuzë të cilën ai e mohon.
Varshava e quajti masën një akt armiqësor në kundërshtim me parimet e Bashkimit Europian dhe tërhoqi ambasadorin e saj në Budapest.
Ministri i Jashtëm hungarez Peter Szijjarto e përshkroi mospërfilljen e së premtes si fëminore raportoi uebfaqja e lajmeve HVG.hu.
Lëvizja polake sapo shtoi shumëfishimin e shenjave të disharmonisë evropiane. Sllovakia, e cila, së bashku me Hungarinë ka kërkuar të ruajë disa lidhje me Rusinë, kërcënoi me hakmarrje të enjten kundër Ukrainës pasi ajo ndaloi flukset transitore të gazit rus, ndërsa të premten negociatat për formimin e një qeverie të re në Austri pësuan një goditje kur një palë kyçe dha dorëheqje nga bisedimet.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments