PLANI I KREUT TË HAMASIT SINUAR (SINWAR): IKJE NË IRAN ME PENGJE | DOKUMENTE TË GJETURA NGA IDF-ja MË 29 GUSHT 2024 NË TË NJËJTËN DITË KUR U GJETËN TRUPAT E 6 PENGJEVE TË EKZEKUTUAR NË NJË TUNEL.

Jeruzalem, Izrael | Dokumentet e gjetura nga ushtria izraelite më 29 gusht 2024, në të njëjtën ditë kur u gjetën trupat e gjashtë pengjeve të rinj të ekzekutuar në një tunel Rafah, ofrojnë detaje të reja të planeve top-sekret të udhëheqësit të Hamasit Jahja Sinuar (Yahya Sinwar), për të ardhmen e tij dhe të familjes së tij.

Inteligjenca izraelite, e cila, gjithashtu mori konfirmimin gjatë marrjes në pyetje të një zyrtari të lartë të Hamasit të kapur në Gaza, i tha entit mediatik Jewish Chronicle sesi udhëheqësi i Hamasit synonte të largohej nga skena: ikja në Iran përmes korridorit të Filadelfias, duke marrë pengjet me vete.

Ndoshta të njëjtët 22 të rrëmbyer pa të cilët nuk bën asnjë hap nëpër tunele për t'i shpëtuar hakmarrjes së Izraelit.

Z. Sinuar (Sinwar), megjithëse propaganda e tij ka mbështetje të madhe ndërkombëtare, e njeh realitetin e fakteve: ai e di se kapaciteti ushtarak i Gazës ka pësuar një goditje fatale në 11 muaj luftë.

Ashtu siç e di mirë se nuk ka asnjë shans, qoftë edhe nga nëntoka, të kthehet për të qeverisur enklavën dhe lumin e madh të dollarëve që para luftës mbërriti nga gjysma e botës.

E vetmja zgjidhje është ikja, duke marrë si mburojë njerëzore dy gratë e tij, fëmijët e vegjël dhe pengjet.

Por për të prerë kordonin duhet të kalonte Sinain, duke kaluar përmes korridorit të Filadelfias.

Zonën tampon që kryeministri Netanjahu dëshiron ta mbajë me çdo kusht nën kontrollin e Forcës Mbrojtëse të izraelit (IDF).

Negociatat që kanë vijuar prej javësh për të arritur një marrëveshje për një armëpushim dhe lirimin e pengjeve janë ngecur pikërisht në vijën e kuqe të vendosur nga Hamasi - nëpërmjet IDF-së nga Korridori - dhe refuzimit publik të kryeministrit Netanjahu.

Më pak presion, thekson enti mediatik Jewish Chronicle, ka mbërritur në korridorin Netzarim, i cili, e ndan Rripin në dysh, sepse nuk është një rrugë shpëtimi.

“Dhe kjo është arsyeja pse - thonë analistët - nuk është arritur asnjë marrëveshje apo kompromis në tetë muajt e fundit, pavarësisht përpjekjeve të Shteteve të Bashkuara, Egjiptit dhe Katarit. As kryeministri Netanjahu dhe as udhëheqësi i Hamasit Sinuar (Sinwar), për arsye të kundërta, nuk donin të hiqnin dorë nga pozicionet e tyre në korridorin e Filadelfias”.

Zëdhënësi i Këshillit të Sigurisë Kombëtare të SHBA, Xhan Kërbi (John Kirby) të enjten shënoi ndryshimin në komunikim duke u thënë gazetarëve: “Pengesa më e madhe për një marrëveshje është Hamasi, nuk ka dyshim”.

Ndërkohë, pikat e reja të shtuara në planin e bisedimeve për arritjen e marrëveshjes për lirimin e pengjeve dhe armëpushimin në Gaza po marrin formë në këto orë bazuar në thashethemet nga burime amerikane dhe izraelite.

Por frika e fortë po shfaqet edhe për forcimin e qëndrimeve të Hamasit të komunikuara javën e kaluar në takimin në Doha, ku krupi islamist e ka ngritur antenën, duke kërkuar në këmbim të lirimit të pesë ushtareve vëzhguese femra të rrëmbyera më 7 tetor 2023, lirimin e më shumë njerëzve se 150 të burgosurve palestinezë të burgosur në Izrael në muajt e fundit.

Me pak fjalë, rrisni numrin e kërkesave dhe më pas merrni të vetmin rezultat të kërkuar vërtet.

“Hamasi ka vënë në tryezë çështje problematike dhe të ndryshme në krahasim me kërkesat e javëve të fundit”, tha një zyrtar amerikan gjatë një konference në Uashington të mërkurën në mbrëmje, duke u shfaqur skeptik për dëshirën reale të Hamasit për të marrë një vendim.

Megjithatë, vlerësoi ai, deri më tani është arritur marrëveshje për 90% të detajeve.

Ndërkohë, doli se propozimi i ri i kompromisit amerikan parashikon shtimin e një faze të re në projekt: kur të lirohen të gjithë pengjet, IDF do të tërhiqet nga pjesa më e madhe e aksit të Filadelfias duke ruajtur një prani midis portës së Rafahut dhe asaj të Kerem Shalom-it.

Dita në Izrael më në fund u shënua nga një video tronditëse e publikuar nga Hamasi dhe një tjetër lajm dramatik.

Në video, znj. Karmel (Carmel) Gat, e vrarë javën e kaluar në Gaza me 5 pengje të tjerë, flet dhe thotë se do të jetë e fortë për familjen e saj derisa të përfundojë makthi.

Znj. Eden Jerushlami (Yerushalmi), gjithashtu e ekzekutuar, peshonte vetëm 36 kilogramë pas 11 muajsh mundimesh.

“Si në Aushvic”, komentojnë mediat izraelite.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit