___.png)
PKK Morinë, Shqipëri | Strukturat kufitare të Policisë së Shtetit arrestuan:
1- Z. Burim Bajrami.
Ai u arrestua nga shërbimet e Policisë Kufitare në Morinë, ndërsa po përpiqej të hynte në territorin shqiptar, edhe pse ishte shpallur në kërkim policor ndërkombëtar.
Ai rezultonte i dënuar penalisht në Maqedoninë e Veriut me 6 vjet burgim për trafikim të narkotikëve dhe kishte ende rreth një vit e gjysmë për të vuajtur nga dënimi i tij penal.
Falë bashkëpunimit mes Drejtorisë Vendore të Policisë Kukës dhe Interpol Tiranës, z. Bajrami u identifikua gjatë verifikimeve në vijën e dytë të kontrollit kufitar.
Gjykata e Gostivarit e kishte dënuar 38-vjeçarin për përfshirjen në trafikimin e lëndëve narkotike, një vepër penale që e bëri objekt të ndjekjes penale ndërkombëtare.
Aktualisht, Interpol Tirana, në bashkëpunim me autoritetet në Maqedoninë e Veriut, po ndjek procedurat e ekstradimit të tij për të përfunduar vuajtjen e dënimit.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Commenti