PERUJA DO TË INVESTOJË 300 MILIONË € NË NDËRTIMIN E BURGJEVE TË REJA DHE NË RINDËRTIMIN E ATYRE TË VJETËRUAR.

Lima, Peru | Qeveria e Perusë konfirmon qëllimin e saj për të përfunduar projektin ambicioz të shpallur të ndërtimit të burgjeve të reja - dhe rinovimin e objekteve ekzistuese - për të përmirësuar kushtet e sistemit aktual të vjetëruar të burgjeve dhe kështu për të ndihmuar në përgjigjen ndaj valës së dhunës kriminale që ka përfshirë vendin prej muajsh.

Agjencia për Promovimin e Investimeve Private (Proinversión) e raporton këtë në një shënim në faqen e saj të internetit, duke vlerësuar kostot e projektit të kërkuar nga Ministria e Drejtësisë dhe të Drejtave të Njeriut në rreth 300 milionë euro.

Plani përfshin ndërtimin dhe zgjerimin, pajisjet dhe modernizimin e objekteve të burgjeve në rajonet e Ika (Ica), Huanuko (Huánuco), Amazonas, La Libertad, Piura dhe Lima dhe përfshin programe trajnimi për operatorët e sistemit.

Proinversión specifikon se investimet do të mbushin boshllëqet kritike të infrastrukturës në sistemin e drejtësisë për të mitur dhe burgje, do të forcojnë sigurinë kombëtare dhe do të krijojnë kushte të favorshme për rehabilitimin e të burgosurve, duke rezultuar në përfitime të drejtpërdrejta për qytetarët dhe duke kontribuar në zhvillimin e një sistemi drejtësie më efektiv.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit